​ប្រែ​សម្រួល : កញ្ញា​ដា​លី​ស (VNExpress) ៖ ក្រុមបាល់ទាត់​ជម្រើសជាតិ​ថៃ​បាន​មក​ដល់​ទីក្រុង​ហាណូយ​កាលពី​ថ្ងៃ​ពុធ​ទី​១១​មករា​សម្រាប់​ការប្រកួត AFF Cup​វគ្គ​ផ្តាច់ព្រ័ត្រ​ជើង​ទីមួយ​ទល់​នឹង​ក្រុម​​ជម្រើសជាតិ​វៀតណាម​នៅ​ថ្ងៃ​សុក្រ​ទី​១៣​មករា​។

​ថៃ​បាន​បំបែក​ជា​ពីរ​ក្រុម​ហោះ​មក​ហាណូយ ប៉ុន្តែ​បាន​មកដល់​សឹងតែ​ក្នុងពេល​ដំណាលគ្នា ក្រោយ​ជើងហោះហើរ​មួយ​របស់​ពួកគេ​បាន​ពន្យារពេល​។

​កីឡាករ​បាន​ចុះ​ពី​យន្តហោះ​យ៉ាង​លឿន តែ​ត្រូវ​រង់ចាំ​វ៉ាលិស​របស់​ពួកគេ​ប្រហែល ៤០ នាទី​។ អ្នក​ចាត់ការ​ទូទៅ​របស់​ជម្រើសជាតិ លោកស្រី នូ​អាល់​ផាន ឡា​ម​សាម (Nualphan Lamsam) ហៅ​ក្រៅ​ថា ម៉ា​ដាម ប៉ាង មិន​បាន​មក​ជាមួយ​ជម្រើសជាតិ​ទេ ហើយ​រំពឹង​មក​ដល់​ហាណូយ​នៅ​រសៀល​ថ្ងៃ​ព្រហស្បតិ៍​នេះ​។

​ក្រុម​ថៃ​នឹង​ស្នាក់នៅ​សណ្ឋាគារ Hyatt នៅ​ជិត​កីឡដ្ឋាន My Dinh​។ ក្រុម​ឥណ្ឌូណេស៊ី​ក៏​ធ្លាប់​ស្នាក់​នៅ​ទីនោះ​ដែរ​ពេល​មក​ទីក្រុង​ហាណូយ​ដើម្បី​ប្រកួត​ជើង​ទី​២ វគ្គ​ពាក់កណ្តាល​ផ្តាច់ព្រ័ត្រ​ជាមួយ​វៀតណាម​កាលពី​ថ្ងៃ​ចន្ទ​៕

កីឡាករ​ថៃ​មក​ដល់​ហាណូយ​កាលពី​ថ្ងៃ​ពុធ