​ប្រែ​សម្រួលៈ​បំណង​(Xinhua)៖ រដ្ឋមន្ត្រីការបរទេស​ចិន​លោក ឈីន ហ្កាង​(Qin Gang)​បាន​និយាយ​កាលពី​ថ្ងៃ​ពុធ​ថា ចិន​នឹង​បន្ត​ធ្វើ​ជា​ដៃគូ​អភិវឌ្ឍន៍​របស់​អាហ្វ្រិក​សំរាប់​កំណើន​រួមគ្នានិង​រួម​គ្នា​ធ្វើការ​​ដើម្បី​ស្ថាបនា​សហគមន៍​ចិន​-​អាហ្វ្រិក ដែល​មាន​អនាគត​រួមគ្នា​នៅ​ក្នុង​យុគសម័យ​ថ្មី​។​

​លោក​បាន​និយាយ​ដូច្នេះ​ក្នុងអំឡុង​កិច្ចប្រជុំ​និងទស្សនាទីស្នាក់ការរបស់អង្គការសហភាពអាហ្រ្វិក​នៅ​ទីក្រុង​អាត់​ឌី​ស អា​បា​បា​(Addis Ababa)​របស់​អេត្យូ​ពី​។​

​លោក​បាន​និយាយ​ថា​សហភាព​អាហ្វ្រិក​(AU)​ជា​ទង់​មួយ​សំរាប់​បណ្តា​ប្រទេស​អាហ្វ្រិក​ស្វះស្វែង​ពង្រឹង​ឯកភាព​និង​សំរាប់​ប្រទេស​កំពុងអភិវឌ្ឍន៍នៅអាហ្វ្រិក​រួបរួម​និង​សហការគ្នា​។​លោក​ក៏​អបអរ​អាហ្វ្រិក​ថា​ជា​កម្លាំង​​ចលករ​រឹងមាំ​នៅក្នុង​យុទ្ធនាការ​សមាហរណកម្ម​របស់ខ្លួននៅក្នុង​កិច្ចការ​អន្តរជាតិ និង​កំណើន​​។​

​លោក​ឈីន ក៏​បាន​សម្តែង​ជំនឿ​ថា អង្គការ​សហភាព​អាហ្វ្រិក​នឹង​ដឹកនាំ​បណ្តា​ប្រទេស​អាហ្វ្រិក​ឆ្ពោះទៅរក​ការសំរេច​សមិទ្ធផល​ធំ​ឡើង​នៅក្នុង​ដំណើរការ​អភិវឌ្ឍន៍​និង​យុវ​កម្មបស់​គេ​។​

​បើ​តាម​លោក​រដ្ឋមន្ត្រី ចិន​តែងតែ​អោយ​អាទិភាព​ទ្វីបអាហ្វ្រិក​នៅក្នុង​កិច្ច​ការទូត​របស់​ខ្លួន ហើយ​ការអនុវត្ត​ព្រមទាំង​ការពង្រីក​មិត្តភាព​ចិន​-​អាហ្វ្រិក​បាន​ក្លាយ​ជា​ប្រពី​ណៃ​ដ៏​រុងរឿង​មួយ និង​ជា​លក្ខណៈ​ពិសេស​មួយ​នៃ​កិច្ច​ការទូត​របស់​ចិន​។​ចិន​និង​សហភាព​អាហ្វ្រិក​បាន​រក្សា​កម្លាំងចលក​រ​ដ៏​រឹងមាំ​មួយ​នៅក្នុង​កិច្ចសហការ​គ្នា និង​ជាមួយ​នឹង​ការជឿ​ទុកចិត្ត​ផ្នែក​នយោបាយ​ទៅវិញទៅមក​កាន់តែ​ខ្លាំង​ឡើង​​ភាគី​ទាំងពីរ​បាន​ឃើញ​ផ្ទាល់នឹងភ្នែក​នូវ​ការគាំទ្រ​គ្នា​លើ​បញ្ហា​ពាក់ព័ន្ធ​នឹង​ផលប្រយោជន៍​ផង​គ្នា និង​ការព្រួយបារម្ភ​ធំៗ​៕

​រដ្ឋមន្ត្រីការបរទេស​ចិន​លោក ឈីន ហ្កាង ធ្វើ​ទស្សនកិច្ច​ស្នាក់​ការ​របស់​សហភាព​អាហ្វ្រិក​នៅ​ទីក្រុង អាត់​ឌី​ស អា​បា​បា របស់​អេត្យូ​ពី កាលពី​ថ្ងៃ​ពុធ​។​លោក​ឈីន ចាប់ផ្តើម​ដំណើរ​ទស្សនកិច្ច​ប្រាំ​ប្រទេស​នៅ​អា​​ហ្វ្រិ​ក​ក្នុង​បំណង​ជំរុញ​ទំនាក់ទំនង​ចិន​-​អាហ្វ្រិក​