​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ អ្នកស្រុក​ចិន​កំពុង​បង្កើន​ការធ្វើដំណើរ​ក្រោយពី​ប្រទេស​លុបចោល​វិធានការ​គ្រប់គ្រង​កូវី​ដ​១៩​ដ៏​តឹងរឹង​កាលពី​ខែ​មុន ទោះជា​មាន​កំណើន​នៃ​ការឆ្លង​ជំងឺក្តី ដែល​នេះ​វា​ជា​សញ្ញា​បង្ហាញ​អំពី​ការ​រើប​រើ​ឡើងវិញ​សន្សឹមៗ​ក្នុង​សកម្មភាព​សេដ្ឋកិច្ច​និង​ការប្រើប្រាស់​នៅ​ឆ្នាំនេះ​។​

​ចល័តភាព​និង​ទិន្នន័យ​ចំណាយ​ចាប់ពី​ចរាចរណ៍​នៅតាម​ស្ថានីយ​រថភ្លើង​ក្រោម​ដី​នៅ​ទី​ក្រុង​ធំៗ​ចំនួន​បី រហូត​ដល់​ទំហំ​នៃ​ជើងហោះហើរ​និង​ការលក់​សំបុត្រ​ចូល​ទស្សនា​ភាពយន្ត បង្ហាញ​ការកើនឡើង​ចាប់​​តាំងពី​ចុង​ខែ​ធ្នូ ក្រោយ​ពី​រដ្ឋាភិបាល​ទីក្រុង​ប៉េកាំង​បញ្ចប់​ភ្លាមៗ​គោលនយោបាយ​សូន្យ​កូវី​ដ​ក្រោយ​អនុវត្ត​វា​អស់​បី​ឆ្នាំ​។​

​ប្រជាជន​ពាក់​ម៉ាស់​ដើរ​តាម​វិថី​មួយ​ក្នុង​ទីក្រុង​សៀង​ហៃ កាលពី​ថ្ងៃ​១៣​ធ្នូ ឆ្នាំ​២០២២

​ទោះជា​យ៉ាងណា សញ្ញា​ខ្លះ​បង្ហាញ​ថា​សកម្មភាព​នៅ​មិនទាន់​រើប​រើ​ឡើងវិញ​ពេញលេញ​ដល់​កំរិត​កាលពីមុន និង​អ្នកសេដ្ឋកិច្ច​ជាច្រើន​នៅ​តែ​មាន​ការប្រុងប្រយ័ត្ន​អំពី​ល្បឿន​រើប​រើ​ឡើងវិញ​ក្រោយ​ការបើក​​ប្រទេស​ឡើងវិញ​លឿន​ជា​ការរំពឹងទុក​។​

​ល្វីស លូ​(Louise Loo)​អ្នក​សេដ្ឋកិច្ច​នៅ​មហាវិទ្យាល័យ​Oxford Economics​បាន​និយាយថា «ការ​ត្បិតត្បៀត​លើ​ការចំណាយ​លើ​ទំនិញ​លក់រាយ​កាន់តែ​មាន​ជា​ទូទៅ ដែល​បង្ហាញថា​វា​នឹង​ត្រូវ​ចំណាយ​​ពេល​យូរ​ដើម្បី​ជម្នះ​ផលប៉ះពាល់​ចិត្តសាស្ត្រ​អវិជ្ជមាន​លើ​អ្នកប្រើប្រាស់​ចិន បង្កឡើង​ដោយ​ការបិទ​ខ្ទប់​បី​ឆ្នាំ​មកនេះ​»​។​

​ការបិទ​ខ្ទប់​ពាក់ព័ន្ធ​នឹង​កូវី​ដ​១៩​និង​ការ​រឹតត្បិត​ចលនា​មនុស្ស​បាន​ប៉ះពាល់​ការធ្វើដំណើរ ការ​ចូល​ទស្សនា​ភាពយន្ត​និង​ការទិញ​រថយន្ត​កាលពី​រដូវរំហើយ​មុន និង​ជា​ថ្មី​ពេល​ចាប់ផ្តើម​រដូវរងារ នេះ​បើ​តាម​​ទិន្នន័យ​មក​ពី​អង្គភាព​ផ្តល់ព័ត៌មាន​និង​ឧស្សាហកម្ម​បាន​បង្ហាញ​។​

​ពួក​អ្នក​បង្កើត​គោល​នយោបាយ​ចិន​បាន​សន្យា​ជំរុញ​សេចក្តីត្រូវការ​នៅ​ឆ្នាំនេះ ជាពិសេស​លើ​ការប្រើប្រាស់​។​

​តែ​ការចំណាយ​នៅ​ប្រទេស​មាន​សេដ្ឋកិច្ច​ធំៗ​ក៏​បាត់​បង់កម្លាំង​ស្ទុះ​ដោយសារតែ​អត្រា​កា​ប្រាក់​ឡើង​ខ្ពស់​កំពុង​បំណង​ទប់​អតិផរណា ដែល​ក៏​បាន​ធ្វើអោយ​ប៉ះពាល់​ការនាំចេញ​របស់​ចិន ។​

​ពួក​អ្នក​សេដ្ឋកិច្ច​រំពឹងថា សេដ្ឋកិច្ច​ចិន​នឹង​ស្ទុះ​ឡើង​វិញ​នៅ​ត្រីមាស​ទី​ពីរ ជំរុញ​ឡើង​ដោយ​ការប្រើប្រាស់​កាន់តែច្រើន​និង​ការចំណាយ​របស់​រដ្ឋកា​ន់​តែ​ច្រើន​ឡើង​លើ​ហេដ្ឋារចនាសម្ពន្ធ​។​តែ​ការ​រើប​រើ​ក្នុង​វិ​​ស័យ​អចលនទ្រព្យដែងរងគ្រោះធ្ងន់ជាងគេ​របស់​ប្រទេ​សអាច​ចំណាយពេល​យូរ​ជាង​នេះ​៕