ដោយៈ ភ្នំ​ស្វាយ / បន្ទាយ​មាន​ជ័​យៈ នៅ​ថ្ងៃអាទិត្យ ទី​១៥ ខែមករា ឆ្នាំ​២០២៣ មន្ទីរ​ធម្មការ និង​សាសនា ខេត្តបន្ទាយមានជ័យ បាន​សហការ​ជាមួយ​ព្រះ​មន្ត្រី សង្ឃ​ខេត្ត បានរៀបចំ​ការប្រឡង​វិញ្ញាបនបត្រ​ធម្ម​វិន័យ ថ្នាក់​ត្រី ទោ ឯក របស់ សមណៈ​សិស្ស សិស្ស នា​ដំណាច់ឆ្នាំ​សិក្សា ២០២២-២០២៣ នៅ​មណ្ឌល​ប្រឡង វិទ្យាល័យ​សិរីសោភ័ណ នា​ក្រុង​សិរីសោភ័ណ ។​

​លោក អ៊ុំ រាត្រី អភិបាល​នៃ​គណៈ​អភិបាល ខេត្តបន្ទាយមានជ័យ បាន​អញ្ជើញ​ជា កិត្តិយស និង​អធិបតី ក្នុង​ការបើក​វិញ្ញាសា ។​

​លោក បៀ​វ ថា​ន ប្រធាន​មន្ទីរ​ធម្មការ និង​សាសនា​ខេត្ត បាន​ឲ្យ​ដឹងថាៈ ដោយបាន ទទួល​ការណែនាំ​របស់ ក្រសួងសុខាភិបាល មន្ទីរ​ធម្មការ និង​សាសនា សាលា​គណ​ខេត្ត ទាំងពីរ​គណៈ បានរៀបចំ​ការប្រឡង នាពេលនេះ​ឡើង ដោយ​ឈរលើ​គោលការណ៍ ប្រុងប្រយ័ត្ន​ខ្ពស់បំផុត ក្នុងការ​ចូលរួម​អនុវត្ត តាម​វិធានការ​ទប់ស្កាត់ ការរីក​រាលដាល នៃ​ជំងឺ​កូ​វីដ​-១៩ យ៉ាង​ខ្ជាប់ខ្ជួន​ជានិច្ច ទោះបី​ការពារ និង​បី​កុំ ក៏ដោយ ។​

​លោក បៀ​វ ថា​ន បាន​បន្តថាៈ សម្រាប់​ដំណាច់ឆ្នាំ​២០២២ ចូលឆ្នាំ​២០២៣ ជា​ឆ្នាំ​លើក​ទី​៣០ ដែលមាន​ការរៀបចំ​កា​រ​ប្រឡង​ធម្ម​វិន័យ ថ្នាក់​ត្រី ទោ ឯក ដែលមាន​បេក្ខសមណៈ​សិស្ស សិស្ស បានដាក់​ពាក្យ​ប្រឡង ចំនួន ១.៦៩៨ អង្គ​/​នាក់ មកពី​តាម​បណ្តា​វត្ត​នានា នៅក្នុង​ក្រុង ស្រុក ទាំង​៩ ។ ឯ​វិញ្ញាសា​ដែល ត្រូវ​ប្រឡង មាន​ចំនួន ៤ មុខវិជ្ជា រូ​ម​មាន ១-​វិញ្ញាសា​ប្រជុំ​កងធម៌​, ២-​វិញ្ញាសា ពុទ្ធប្បវត្តិ , ៣-​វិញ្ញាសា​ព្រះ​វិន័យ និង​ទី​៤-​វិញ្ញាសា​សាសន​សុភាសិត​។​

​នាឱកាស​នោះ លោក អ៊ុំ រាត្រី អភិបាលខេត្ត​បន្ទាយមានជ័យ បាន​មានប្រសាសន៍ ថាៈ ធនធានមនុស្ស ធនធាន​ព្រះសង្ឃ ដែល​ស្របតាម​គោលនយោបាយ​អប់រំ របស់​រាជរដ្ឋាភិបាល ដែលមាន​សម្ដេច​តេ​ជោ ហ៊ុន សែន ជា​នាយករដ្ឋមន្ត្រី បានដាក់ ចេញ​នូវ​យុទ្ធសាស្ត្រ ចតុកោណ​ដំណាក់កាល​ទី​៤​។ បច្ចុប្បន្ននេះ គឺ​វិស័យ​ធនធាន មនុស្ស ជា​អាទិភាព​ទី​១ ពីព្រោះ​វិស័យ​ធនធានមនុស្ស មាន​សារសំខាន់​ណាស់ នៅក្នុង​ការចូលរួមចំណែក ដល់​ការអភិវឌ្ឍ​ប្រទេសជាតិ ឲ្យ​មានការ​រីកចម្រើន បន្ទាប់ពី​ប្រទេស មាន​សុខសន្តិភាព​ពេញបរិបូរណ៍ និង​តាម​នយោបាយ​ឈ្នះ​ឈ្នះ​
​គឺ​ពិតជា​បាន​ចូលរួមចំណែក ក្នុងការ​ពង្រឹង​នូវ​ខាង​ពុទ្ធចក្រ និង​អាណាចក្រ ឲ្យ​កាន់តែ​មាន​ភាព​រីកចម្រើន បន្ថែមទៀត ជាពិសេស​បាន​កសាង​នូវ​សមិទ្ធផល សាសនា​ជាច្រើន ដើម្បី​រួមចំណែក​អប់រំ​ផ្លូវចិត្ត និង​បណ្តុះបណ្តាល​នូវ​ធនធាន​ប្រសើរ ប្រកបដោយ​គុណធម៌ សីលធម៌​និង​មាន​ភាព​គ្រប់គ្រាន់ សម្រាប់​ចូលរួម​បន្តវេន កសាង​អភិវឌ្ឍ​ប្រទេសជាតិ​។​

​សូម​បញ្ជាក់ដែរថា ក្នុង​ការប្រឡង​វិញ្ញាបនបត្រ ថ្នាក់​ត្រី ទោ ឯក​នេះ លោក ស សុខា រដ្ឋលេខាធិការ​ក្រសួង​អប់រំ យុវជន និង​កីឡា និង​លោកស្រី កែ សួន​សុ​ភី ប្រធាន​ក្លិប​បាល់ទាត់​វិសាខា ព្រមទាំង​បុត្រ​បាន​ជួយឧបត្ថម្ភ​ចង្ហាន់ ដល់​ព្រះសង្ឃ ជា​សមណៈ​បេក្ខជន កំពុង​ប្រឡង​ចំនួន ១.៧០០ ប្រអប់ ស្មើនឹង​ថវិកា​ចំនួន ៣.៤០០ ដុល្លារ ភេសជ្ជៈ​កូកាកូឡា ចំនួន ២៥ កេស ស្មើនឹង ២៣២ ដុល្លារ ទឹកក្រូច ២៥ កេស ស្មើនឹង ១៨២ ដុល្លារ ទឹកបរិសុទ្ធ​ចំនួន ២០០ យួរ សរុប​ថវិកា​ទាំងអស់​ចំនួន ៣.៩២៩ ដុល្លារ​សហរដ្ឋអាមេរិក​៕/V​