​ប្រែ​សម្រួលៈ​បំណង​(​ដេល្លី​ម៉េល​)៖ រថយន្ត​ជិត​៥០​គ្រឿង​បាន​បុក​ត​គ្នា​នៅលើ​ផ្លូវ​ហាយវ៉េ​ដែល​ធ្លាក់​ទឹកកក​មួយ​នៅក្បែរ​រដ្ឋធានី​សេ​អ៊ូ​ល​របស់​កូរ៉េខាងត្បូង​កាលពី​យប់​ថ្ងៃអាទិត្យ​ដោយ​បាន​សម្លាប់​មនុស្ស​​ម្នាក់​និង​បង្ក​របួស​រាប់សិប​នាក់​។​

​មន្ត្រីម្នាក់​នៅ​នាយកដ្ឋាន​អគ្គិភ័យ​ក្នុង​ក្រុង​ប៉ូ​ឆុន​(Pocheon)​បាន​និយាយថា យ៉ាងហោច​ណាស់​រថយន្ត​៤៧​គ្រឿង​ជាប់​ពាក់ព័ន្ធ​នឹង​គ្រោះថ្នាក់​ចរាចរណ៍​នៅលើ​ផ្លូវ​ហាយវ៉េ ហ្គូរី​-​ប៉ូ​ឆុន​(Guri-Pocheon)​ចំ​ពេល​ផ្លូវ​រអិល​ដោយសារ​ធ្លាក់​ទឹកកក​និង​ការបុក​ត​គ្នា​។​

​រូបភាព​បានបង្ហាញ​នាយ​ប៉ូលីស​និង​អ្នក​ជួយសង្គ្រោះ​ជាមួយនឹង​ស្នែង​អ្នករបួស​បាន​រួសរាន់​ទៅកាន់​រថយន្ត​ដែល​បុក​គ្នាជា​ជួរ​នៅ​លើ​ផ្លូវ​ដែល​ពោរ​ពេញ​ដោយ​ទឹកកក​។​រថយន្ត​ជាច្រើន រួម​មាន​រថយន្ត​ក្រុង​មួយ​​បានខូចខាត​ក្បាលមុខ​និងខ្លះ​ទំនង​ជា​ត្រូវបុក​ពី​ចំហៀង​។​

​គីម ដុង​-​វ៉ាន​(Kim Dong-wan)​មន្ត្រី​នៅ​នាយកដ្ឋាន​អគ្គិភ័យ​ក្នុង​ខេត្ត​ហ្គុ​ង​ជី​(Gyeonggi)បាន​និយាយថា​យ៉ាងហោចណាស់​អ្នកបើកបរ​បី​នាក់​រងរបួស​ធ្ងន់ និង​ម្នាក់​ដែល​ត្រូវបាន​បញ្ជូន​ទៅកាន់​មន្ទី​​រ​ពេទ្យ បាន​ស្លាប់​។​មនុស្ស​២៩​នាក់​ទៀត​ទទួល​ការ​ព្យាបាល​នៅ​មន្ទីរពេទ្យ​ដោយសារ​របួសស្រាល​៕

​រថយន្ត​រាប់​រយ​ជាប់​លើផ្លូវ​ធ្លាក់​ព្រិល​ខ្លាំង​នៅ​ខេត្ត​ព្យុង​ចាង ចម្ងាយ​ប្រមាណ​១២៦​គីឡូម៉ែត្រ​ខាងកើត​ក្រុង​សេ​អ៊ូ​ល​កាលពី​ថ្ងៃ​១៥​មករា ២០២៣