ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ពួក​វា​មើលទៅ​ដូច​ជា​អ្វី​មួយ​មក​ពី​ចម្ការ​ក្រៅ​ភព​នៅ​លើ​ភព​ផ្សេង​។​ប៉ុន្តែ​ថ្ម “​មានជីវិត​” នៃ​ប្រទេស​រ៉ូ​ម៉ានី ដែល​គេ​ស្គាល់​ថា “​ត្រូវ៉ាន់​” (Trovant) តាម​ពិត​គឺ​​ស្ថិតនៅ​លើ​ផែនដី​យើង​នេះ​ទេ ហើយ​ពួក​វា​កកើតឡើង​ដោយ​ធម្មជាតិ​តាម​ដំណើរការ​ភូគព្ភសាស្ត្រ​។​

​ដោយ​ចាប់ផ្តើម​ជា​ដុំ​គ្រួស​មួយ​និង​លូត​ប្រហែល​ពីរ​អ៊ី​ញ​រៀងរាល់​មួយ​សហស្សវត្ស​រ៍ម្តង ថ្ម​ត្រូវ៉ាន់​គឺជា​រចនាសម្ពន្ធ​រ៉ែដ៏​ពិសេស ដែល​ធ្វើ​ត្រាប់​តាម​ជីវិត​រុក្ខជាតិ​និង​ថនិកសត្វ​។​

​គ្រួស​ដ៏​ចម្លែក​នេះ​គឺ​សឹងតែ​បង្ហាញ​រូបរាង​ដូចគ្នា​ទៅ​នឹង​ជាលិកា​រុក្ខជាតិ ហើយ​ពួក​វា​ផ្តល់កំណើត​ដល់​ថ្ម​ថ្មី​ដូច​សត្វ​ដែរ​។​

​ថ្ម​ប្រភេទ​នេះ​ត្រូវបាន​រកឃើញ​នៅក្នុង​ភូមិតូច​មួយ​របស់​រ៉ូ​ម៉ានី ដែល​មានឈ្មោះ​ថា ខូស្តេ​ស្ទី (Costeşti) ស្ថិតនៅ​ចម្ងាយ​ប្រហែល ៨០ គីឡូម៉ែត្រ​ពី​ភាគ​ខាងលិច​នៃ​រដ្ឋធានី​ប៊ូ​ការ៉េ​ស​។​

​ពួក​វា​មើលទៅ​ដូចជា​ពពុះ​ប៉ោង​ចេញពី​ថ្ម ហើយ​មាន​ទំហំ​ខុសៗ​គ្នា ខ្លះ​មាន​អង្កត់ផ្ចិត​ច្រើន​ម៉ែត្រ ហើយ​ខ្លះ​ទៀត​តូច​ល្មម​ប៉ុន​បាតដៃ​។​

​លោក​បណ្ឌិត មៀ​ស៊ី ធី​គ្លី​នូ (Mircea Ticleanu) មក​ពី​វិទ្យាស្ថាន​ភូគព្ភសាស្ត្រ​នៃ​ប្រទេស​រ៉ូ​ម៉ានី បាន​ប្រាប់ MailOnline ថា “​ថ្ម​ត្រូវ៉ា​ន់មក​ពី​រ៉ូ​ម៉ានី​មាន​អាយុ​ខុសគ្នា​ខ្លាំង​”​។​

“​ថ្ម​ត្រូវ៉ាន់​មិនមែន​ចេះ​តែ​លេចឡើង​ពី​ដី​នោះទេ ពួកវា​មាន​វត្តមាន​នៅក្នុង​ដីខ្សាច់​ដ៏​ធំ​ល្វឹងល្វើយ​នៃ​យុគសម័យ​ភូមិសាស្ត្រ​ផ្សេងៗ​គ្នា ដែល​រាលដាល​ដល់​ថ្មដុះ​លើដី​ឬ​នៅ​កន្លែង​យក​ខ្សាច់​”​។​

​ត្រូវ៉ាន់​គឺជា​ពាក្យ​មាន​ន័យ​ដូច​នឹង​ពាក្យ​អាល្លឺម៉ង់ “​សានស៍​ថែន​ខុន​ក្រេ​ស៊ី​អូនិ​ន​-Sandsteinkonkretionen” ដែល​មានន័យថា “​ខ្សាច់​ស៊ីម៉ងត៍​”៕

​ថ្ម​ត្រូ​វ៉ាន់លូត​២​អ៊ី​ញ​រៀងរាល់​១០០០​ឆ្នាំ​ម្តង​