​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ លោកស្រី អូ​ឡេ​ណា ហ្សេ​លេន​ស្កា (Olena Zelenska)​បាន​មក​ដល់​ស្វីស​ដើម្បី​កៀរគរ​ការគាំទ្រ​សម្រាប់​អ៊ុយ​ក្រែន​ពី​ឥស្សរជន​ពិភពលោក​នៅ​ឯ​កិច្ចប្រជុំ​​កំពូល​ក្នុង​ទីក្រុង​ដា​វូ​ស (Davos)​។​

​ជំទាវ​ទីមួយ​អ៊ុយ​ក្រែន​បាន​មក​ដល់​ទីក្រុង​ហ្ស៊ូ​រី​ច (Zurich) កាលពី​ថ្ងៃ​ចន្ទ​ទី​១៦​មករា នៅមុន​វេទិកា​សេដ្ឋកិច្ចពិភពលោក (WEF) ប្រចាំ​ឆ្នាំ​លើក​ទី ៥២ នៅ​ទីក្រុង​រមណីយដ្ឋាន​ជិះ​ស្គី​លំដាប់​ខ្ពស់​នេះ ដែល​មាន​ការចូលរួម​ពី​មេដឹកនាំ​ពិភពលោក​និង​មហាសេដ្ឋី​អាជីវកម្ម​ជា​ច្រើន​រូប​។​

​លោកស្រី​រំពឹង​ធ្វើ​សុន្ទរកថា​នៅ​ថ្ងៃ​អង្គារ​នេះ ខណៈ​ក្រុម​មន្ត្រី​អ៊ុយ​ក្រែន​ផ្សេង​ទៀត​នឹង​និយាយ​នៅ​វេទិកា​នេះ​ដើម្បី​បង្កើន​សាមគ្គី​កាន់តែ​ខ្លាំង​នៅក្នុង​កិច្ចប្រជុំ​កំពូល​នេះ​កន្លែង​ដែល​កំពូល​មហាសេដ្ឋី​រុស្ស៊ី​ទាំង​​អស់​បាន​អវត្តមាន​។​

​វេទិកា WEF​ធ្លាប់​ជា​កន្លែង​បង្កើត​កិច្ចព្រមព្រៀង​យ៉ាង​សប្បាយ​សម្រាប់​ពួក​មហាសេដ្ឋី​រុស្ស៊ី​ប៉ុន្តែ​ចាប់តាំងពី​ការ​លុកលុយ​របស់​រុស្ស៊ី​មកលើ​អ៊ុយ​ក្រែន​មក​កិច្ចប្រជុំ​វិនិយោគ​និង​ពិធីជប់លៀង​ហ៊ឹកហ៊ាក់​ជា​​មួយ​អ្នកនយោបាយ នាយក​ប្រតិបត្តិ និង​អ្នកសិក្សា​ស្រាវជ្រាវ​រុស្ស៊ី​លែងមានទៀតហើយ​។​

​ផ្ទុយទៅវិញ សម្ពន្ធមិត្ត​ជិតស្និទ្ធ​បំផុត​របស់​អ៊ុយ​ក្រែន​មក​ពី​បណ្តាប្រទេស​តំបន់​បាល់​ទិក បណ្តា​ប្រទេស​តំបន់ន័​រ​ឌី​ក និង​អឺរ៉ុប​ខាងកើត រួមជាមួយ​នឹង​សហភាព​អឺរ៉ុប និង​មេដឹកនាំ​ណា​តូ​កំពុង​ចូលរួម​​នៅ​មុន​កិច្ចប្រជុំ​ចង្អៀត​នៅ​ទីក្រុង​រ៉ាំ​ស្តា​ញ (Ramstein) ប្រទេស​អាល្លឺម៉ង់​នៅ​ថ្ងៃ​សុក្រ​ខាងមុខ ដែល​គួរតែ​ឃើញ​ការសន្យា​ផ្តល់​អាវុធ​ទំនើបៗ​បន្ថែមទៀត​ដល់​អ៊ុ​យក្រែន​។​

​លោកស្រី​ហ្សេ​លេន​ស្កា​បាន​ចុះ​ពី​យន្តហោះ បន្ទាប់​ពី​ការវាយប្រហារ​តាម​អាកាស​របស់​រុស្ស៊ី​បាន​បំផ្លាញ​ប្លុក​ផ្ទះល្វែង​ជន​ស៊ីវិល​នៅ​ទីក្រុង​ឌី​នី​ប្រូ (Dnipro) ដោយ​សម្លាប់​មនុស្ស ៤០ នាក់​។​

​ទន្ទឹមនឹងនេះ នៅ​ថ្ងៃ​ដដែល រុស្ស៊ី​និង​បេឡា​រូស​បាន​ចាប់ផ្តើម​ធ្វើ​សមយុទ្ធ​យោធា​រួមគ្នា ដែល​បង្ក​ឱ្យ​មាន​ការបា​រម្ភនៅក្នុង​ទីក្រុង​គៀវ​និង​លោក​ខាងលិច​ថា​រដ្ឋាភិបាល​ក្រុង​មូ​ស្គូ​អាចប្រើប្រាស់​សម្ពន្ធមិត្ត​​របស់​ខ្លួន​ដើម្បី​បើក​ការវាយលុក​ថ្មី​នៅ​អ៊ុ​យក្រែន​៕

​លោកស្រី​ហ្សេ​លេន​ស្កា​មក​ដល់​ស្វីស​កាលពី​ថ្ងៃច​ន្ទ​សម្រាប់​វេទិកា​សេដ្ឋកិច្ច​ពិភពលោក​នៅ​ទីក្រុង​ដា​វូ​ស