​ប្រែ​សម្រួលៈ​បំណង​(​ស្ត្រេត​ថែមស៍​)៖ ព្រឹទ្ធបុរស​អាម៉េរិក​លោក​ហេន​រី ឃី​ស​ស៊ី​ង​ហ្គ័​រ​(Henry Kissinger)​បាន​និយាយ​កាលពី​ថ្ងៃ​អង្គារ​ថា ការឈ្លានពាន​របស់​រុស្ស៊ី​បង្ហាញថា«វាមិន​មាន​នៅ​សល់​ចំណុច​ត្រង់​​ណា​ដែល​ត្រូវ​រក្សាទុក​អ៊ុយ​ក្រែន​នៅក្រៅ​អង្គកា​រណាតូ​ទៀត​ទេ» ដែល​នេះ​ជា​បំណងប្រាថ្នា​យូរ​ហើយ​របស់​រដ្ឋាភិបាល​ទីក្រុង​គៀវ​ដែល​លោក​បាន​ជំទាស់​។​

​អតីតរដ្ឋមន្ត្រី​ការបរទេស​អាម៉េរិក​វ័យ​៩៩​ឆ្នាំ​រូប​នេះ និង​ជា​សាវ័ក​នៃ​ន​យោ​បាន​ជាក់ស្តែង​បាន​គាំទ្រ​អោយ​មាន​ការផ្អាក​ប្រយុទ្ធ​គ្នា​អស់​ពេល​ជា​ច្រើន​ខែ​មក​ហើយ​សំរាប់​សង្គ្រាម​អ៊ុ​យក្រែន ដែល​នឹង​ផ្តល់​ប្រៀ​​ប​យោធា​ខ្លះ​សំរាប់​រុស្ស៊ី​។​

​តែ​ក្នុងពេល​ថ្លែង​ទៅ​កាន់​វេទិកា​សេដ្ឋកិច្ច​ពិភពលោក​នៅ​ទីក្រុង​ដា​វ៉ូ​ស ប្រទេស​ស្វីស លោក​ឃី​ស​ស៊ី​ង​ហ្គ័​រ​បាន​និយាយ​ថា​សមាជិកភាព​អង្គការ​ណា​តូ​សំរាប់​អ៊ុយ​ក្រែ​ននឹង​ក្លាយជា​«​លទ្ធផល​សមស្រប​»​មួយ​។​«​មុន​សង្គ្រាម​នេះ​ផ្ទុះឡើង ខ្ញុំ​ប្រឆាំង​នឹង​សមាជិកភាព​របស់​អ៊ុយ​ក្រែន​ក្នុង​អង្គកា​រណាតូ ដោយសារតែ​ខ្ញុំ​ខ្លាច​វា​នឹង​បង្ក​អោយ​ចាប់ផ្តើម​ដំណើរ​ដែល​យើង​កំពុង​ឃើញ​សព្វថ្ងៃ​។​ឥឡូវ​ដំណើរការ​នោះ​បានវិវត្ត​​ដល់​កំរិត​នេះ គំនិត​រក្សាទុក​អ៊ុយ​ក្រែននៅអ​ព្យាក្រិតលែ​ងមានន័​យត​ទៅ​ទៀតហើយ​»​។​
​ហេន​រី ឃី​ស​ស៊ី​ង​ហ្គ័​រ និយាយ​នៅ​វេទិកា​សេដ្ឋកិច្ច​ពិភពលោក​នៅ​ទីក្រុង​ដា​វ៉ូ​ស ប្រទេស​ស្វីស​

​ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន បាន​ពណ៌នា​បំណង​របស់​អ៊ុយ​ក្រែនក្លាយ​ជា​សមាជិកអ​ង្គ​ការណា​តូ​ថា​ជា​ការ​គំរាម​មួយ នៅ​ពេល​លោក​ប្រើ​វា​ជា​លេស​ដើម្បី​បើក​ការឈ្លានពាន​ប្រទេស​ក្បែរ​ខាង​ខ្លួន​​កាលពី​ថ្ងៃ​២៤​កុម្ភៈ​ឆ្នាំ​មុន​។​

​សហរដ្ឋ​អាម៉េរិក​បាន​និយាយថា ការសំរេចចិត្ត​ចូល​ឬ​មិន​ចូល​ណា​តូ​អាស្រ័យ​លើ​អ៊ុ​យក្រែន តែ​ការងារ​នេះ​ហាក់​មាន​ឧបសគ្គ​បន្តិច​ដោយ​ពួក​មហាអំណាច​អឺរ៉ុប​បារម្ភ​អំពី​ការធានា​សន្តិសុខ​តាម​ធម្មនុញ្ញ​​ណា​តូ​ដល់​ប្រជាជាតិ​មួយ​ដែល​បាន​ធ្វើ​សង្គ្រាម​ជាមួយ​រុស្ស៊ី​តាំង​កំរិត​ទាប​ដល់កំរិតសព្វថ្ងៃចាប់តាំងពី​ឆ្នាំ​២០១៤​។​

​លោក​ឃី​ស​ស៊ី​ង​ហ្គ័​រ កាលពី​ខែ​មុន​បាន​ព្រមាន​ថា ជម្លោះ​អ៊ុ​យក្រែន ដូចគ្នា​នឹង​ឆ្នាំ​១៩១៤​នៅពេល​មហាអំណាច​ធំៗ​ពង្រីក​វា​អោយ​ក្លាយជា​សង្គ្រាម​លោក​យ៉ាង​ធ្វេសប្រហែស​។​លោក​បាន​អំពាវនាវ​អោយ​ផ្អាក​​ប្រយុទ្ធ​គ្នា ដោយ​រុស្ស៊ី​ដក​ទ័ព​ទៅកាន់​ខ្សែត្រៀម​មុនពេល​បើក​ការឈ្លានពាន​នៅត្រឹម​អ៊ុយ​ក្រែន​ខាងកើត​និង​ឧបទ្វីប​គ្រី​ម៉េ និង​បន្ទាប់មក​បើក​ការចរចា​។​

​នៅ​ទីក្រុង​ដា​វ៉ូស លោក​ឃី​ស​ស៊ី​ង​ហ្គ័​រ បាន​និយាយថា​វា​សំខាន់​ដែល​«​រក្សាទុក​សង្គ្រាម​នេះ​កុំ​អោយ​ក្លាយជា​សង្គ្រាម​មួយ​ប្រឆាំង​រុស្ស៊ី​ខ្លួនឯង​»​និង​«​ត្រូវ​ផ្តល់​ឳ​កាស​សំរាប់​រុស្ស៊ី​ចូលរួម​ក្នុង​ប្រព័ន្ធ​អន្តរជាតិ​ឡើង​​វិញ​។​វា​សំខាន់​ណាស់​ដែល​ជៀសវាង​កុំអោយ​មាន​អស្ថិរភាព​ក្នុង​ប្រទេស​មាន​សព្វាវុធ​នុយគ្លេអ៊ែរ​មហាសាល​មួយ​នេះ​»៕