​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ បុរស​ពីរ​នាក់​បាន​ហូរ​ឈាម​រហូតដល់​ស្លាប់​ក្នុង​ព្រឹត្តិការណ៍​ជល់​មាន់​ក្នុង​ប្រទេស​ឥណ្ឌា បន្ទាប់ពី​ត្រូវ​បាន​កាប់​ដោយ​ផ្លែ​ដែក​ស្រួច​ដែល​ចង​ភ្ជាប់​នឹង​ជើងមាន់​។​នេះ​បើ​​យោង​តាម​កាសែត​ដេល្លី​ម៉េល​សរសេរ​កាលពី​ថ្ងៃ​ពុធ​ទី​១៨​មករា​។​

​ជនរងគ្រោះ​ម្នាក់​ឈ្មោះ ហ្គាន​ដេ ស៊ូ​រី​យ៉ាប្រាក់​សា រ៉ៅ (Gande Suryapraksha Rao) កំពុង​ចង​ផ្លែកាំបិត​ទៅ​ជើងមាន់​ជល់​ដ៏​មាន​តម្លៃ​របស់​គាត់​នៅ​មុន​ពេល​ការប្រកួត​ជល់​មាន់នៅ​ទីក្រុង​​កាគី​ណា​ដា (Kakinada) រដ្ឋ​អាន់​ដ្រាប្រា​ដេស (Andhra Pradesh) នៅ​ពេល​មាន់ ដែល​ផ្អើល​ដោយសារ​ហ្វូងមនុស្ស​ច្រើន​កកកុញ បាន​ហោះ​ឡើង​លើ​ហើយ​កាប់​ចំ​ជើង​របស់​គាត់​។​

​កាសែត New Indian Express រាយការណ៍​ថា បុរស​អាយុ ៤៣ ឆ្នាំ​រូប​នេះ​ត្រូវបាន​បញ្ជូន​ទៅ​មន្ទីរពេទ្យ​ភ្លាមៗ ប៉ុន្តែ​ត្រូវបាន​ប្រកាស​ស្លាប់​នៅ​ពេល​មក​ដល់​មន្ទីរពេទ្យ​។​

​នៅក្នុង​ឧបទ្ទវហេតុ​ទី​ពីរ អ្នក​ឈរ​មើល​អាយុ ២០ ឆ្នាំ​ម្នាក់​នៅក្នុង​ព្រឹត្តិការណ៍​មួយ​នៅ​ស្រុក​ហ្គោ​ដា​វ៉ា​រី​ខាងកើត (East Godavari) ត្រូវបាន​មាន់​ជល់​ចំ នៅ​ពេល​រូបគេ​ឈរ​នៅ​ជិត​សង្វៀន​ជល់​មាន់​។ កាំបិត​ដែល​ជាប់​នឹង​ជើង​មាន់​បាន​កាប់​ចំ​ដៃ​រូបគេ​ហូរឈាម​ឥត​ឈប់​។ បុរស​នេះ​បាន​ស្លាប់​នៅតាម​ផ្លូវ​ទៅ​កាន់​មន្ទីរពេទ្យ​៕

​ការ​ជល់​មាន់​គឺជា​ពិធី​ប្រណៃណី​មួយ​នៅរ​ដ្ឋ​អាន់​ដ្រាប្រា​ដេ​ស