​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មនុស្ស​ប្រាំមួយ​នាក់ រួម​ទាំង​កុមារ​បីនាក់ បាន​ស្លាប់​នៅក្នុង​ពិធីបុណ្យ​មួយ​ក្នុងប្រទេស​ឥណ្ឌា បន្ទាប់​ពី​បំពង់ក​របស់​ពួកគេ​ត្រូវបាន​កាត់​ដោយ​ខ្សែ​ខ្លែង​។​

​ប៉ូលិស​បាន​និយាយថា អ្នក​ដើរ​លេង​បុណ្យ​ជិត ២០០ នាក់​បាន​រងរបួស ខណៈ​ពួកគេ​កំពុង​បង្ហោះ​ខ្លែង​ក្នុងអំឡុងពេល​ប្រកួត​គ្នា​ពាក់កណ្តាល​អាកាស​នៅ​ឯ​ពិធី​បុណ្យ​អ៊ូ​ត​ថា​រ៉ា​យ៉ាន (Uttarayan) ក្នុង​រដ្ឋ​គូ​ចា​រ៉ាត់ (Gujarat) ភាគ​ខាងលិច​។​

​ជនរងគ្រោះ​ទាំង​ប្រាំមួយ​នាក់ រួម​មាន​ក្មេងស្រី​ពីរ​នាក់ អាយុ​២​ឆ្នាំ​និង​៣​ឆ្នាំ ព្រម​ទាំង​ក្មេង​ប្រុស​អាយុ​៧​ឆ្នាំ​ម្នាក់ បាន​ស្លាប់​បាត់បង់​ជីវិត​បន្ទាប់ពី​ត្រូវ​ខ្សែកាបដ៏​មុត​ស្រួច​របស់​អ្នកប្រ​កួតខ្លែង​បាន​​ជាប់​នៅ​នឹង​ក​និង​កាត់​បំពង់ក​របស់​ពួកគេ​។​

​មនុស្ស​រាប់រយ​នាក់​បាន​ចូលរួម​ក្នុង “​ការប្រកួត​ខ្លែង​” នៅក្នុង​ពិធីបុណ្យ​អន្តរជាតិ​កាលពី​ចុង​សប្តាហ៍ ដោយ​ក្រុម​អ្នកចូលរួម​បាន​បង្ហោះ​ខ្លែង​ពី​ដំបូលផ្ទះ​និង​លើ​ដី​។​

​គោលបំណង​នៃ​ការប្រកួត​នេះ​គឺ​កាត់​ខ្លែង​ផ្សេងទៀត​ដោយ​ខ្សែ​ខ្លែង ក្នុង​ប្រភេទ​ការប្រកួត​ដូច​ការប្រយុទ្ធ​គ្នា​លើ​អាកាស​។​

​ប៉ុន្តែ​នេះ​អាចមាន​គ្រោះថ្នាក់​ដល់​អ្នកទស្សនា​និង​អ្នកប្រកួតប្រជែង ដោយសារ​ខ្សែ​នេះ​ត្រូវបាន​ធ្វើ​ពី​លោហៈ ដែល​ស្រួច​ល្មម​អាច​កាត់​បំពង់ក​របស់​មនុស្ស​៕

ការប្រកួត​ខ្លែង​អ៊ូ​ត​ថា​រ៉ា​យ៉ាន​កាលពី​ចុង​សប្តាហ៍​បាន​សម្លាប់​មនុស្ស​៦​នាក់​និង​របួស​ជិត​២០០​នាក់