ដោយ៖ វណ្ណៈ / ព្រះសីហនុ៖ នៅព្រឹកថ្ងៃទី១៩ ខែមករា ឆ្នាំ២០២៣ នេះ មន្ត្រីពន្ធដារ សហការជាមួយកម្លាំងចម្រុះខេត្តព្រះសីហនុ បានរកឃើញរថយន្ត ជាច្រើនរយ គ្រឿង ដែលមិនបានបង់ពន្ធផ្លូវ ប្រចាំឆ្នាំ២០២២ បន្ទាប់ពីសមត្ថកិច្ចចម្រុះ បានធ្វើសកម្មភាពត្រួតពិនិត្យ តាំងពីដើមសប្តាហ៍ទី៣ នៃខែមករា ឆ្នាំ២០២៣ មក។ នេះបើតាមមន្ត្រីពន្ធដារខេត្តព្រះសីហនុ បានប្រាប់បណ្តាញពត៌មាន នៅថ្ងៃនេះ។
មន្ត្រីពន្ធដា បានបញ្ជាក់ថាៈ ចំពោះ រថយន្តដែលមិនបានបង់ពន្ធប្រចាំឆ្នាំ ២០២២ ទាំងនោះ មន្ត្រីជំនាញ បានរៀបចំនីតិវិធីឲ្យពួកគាត់ ជាម្ចាស់កម្មសិទ្ធិ ធ្វើការបង់ពន្ធ នៅនឹងកន្លែងតែម្តង ដោយបូកបន្ថែមប្រាក់ពិន័យ ស្មើនឹងប្រាក់ពន្ធប្រចាំឆ្នាំ។
ប្រភពដដែល បានបន្តថាៈ នៅខេត្តព្រះសីហនុ មានរថយន្តជាង ពីរម៉ឺនគ្រឿង ហើយបានបង់ពន្ធផ្លូវ តាមច្បាប់កំណត់ផងដែរ ៕ V / N
