​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ជនជាតិ​អេ​ស្ប៉ាញ​ដើមកំណើត​អាម៉េរិក​អាយុ ១១៥ ឆ្នាំ​ម្នាក់ ដែល​បាន​រួចផុត​ពី​កូវី​ដ​កាលពី​ពីរ​ឆ្នាំ​មុន បាន​ក្លាយជា​មនុស្ស​ចាស់​បំផុត​នៅលើ​ពិភពលោក​បន្ទាប់ពី​​ការស្លាប់​របស់​ដូនជី​ជនជាតិ​បារាំង​ឈ្មោះ លូ​ស៊ី​ល រ៉ា​ន​ដុន (Lucile Randon) នៅ​អាយុ ១១៨ ឆ្នាំ​។​

​លោកយាយ ម៉ា​រៀ ប្រែ​ន​យ៉ាស (Maria Branyas) បាន​ក្លាយជា​មនុស្ស​ចាស់​បំផុត​ដែល​ជា​សះស្បើយ​ពី​មេរោគ​ឃាតករ​ក្នុង​ខែឧសភា​ឆ្នាំ ២០២០​។​ហើយ​ឥឡូវនេះ​កូនស្រី​របស់​អ្នកកាសែត​ជនជាតិ​​អេ​ស្ប៉ាញ ដែល​កើត​នៅ​ទីក្រុង​សាន់​ហ្វ្រា​ន់​ស៊ី​ស្កូ ប៉ុន្តែ​បាន​ផ្លាស់​ទៅ​រស់នៅ​ជាមួយ​គ្រួសារ​នៅ​តំបន់​កាតា​លូនៀ (Catalonia) កាល​ពី​លោកយាយ​នៅ​ក្មេង​នោះ បាន​ទទួល​ងារ​ថ្មី​នេះ​បន្ទាប់​ពី​ការស្លាប់​​របស់​ដូនជី​រ៉ា​ន​ដុន​នៅឯ​មណ្ឌល​ថែទាំ​មនុស្ស​ចាស់​មួយ​ក្នុង​ទីក្រុង​កំពង់ផែ ទូ​ឡុន (Toulon) ភាគ​ខាងត្បូង​ប្រទេស​បារាំង​៕

​លោកយាយ​ប្រែ​ន​យ៉ាស អាយុ​១១៥ ឆ្នាំ​បាន​ស្នង​តំណែង​មនុស្ស​រស់ ដែល​មាន​អាយុ​វែង​បំផុត​លើ​ពិភពលោក ក្រោយ​លោកយាយ​រ៉ា​ន​ដុន​ស្លាប់​នៅ​អាយុ​១១៨​ឆ្នាំ​កាល​ពី​ថ្ងៃ​អង្គារ​