​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ កន្លែង​ភ្ញាស់​មួយ​ដែល​មាន​ស៊ុត​ដាយ​ណូ​ស័រ​ចំនួន ២៥៦ គ្រាប់​ត្រូវបាន​រកឃើញ​នៅក្នុង​ប្រទេស​ឥណ្ឌា​ដែល​នេះ​បង្ហាញ​ថា​ដាយ​ណូ​ស័រ​ទាំងនោះ​ធ្វើ​សំបុ​កនៅ​​ជាមួយ​គ្នា​ដូច​សត្វ​ស្លាប​សម័យ​ទំនើប​ដែរ​។​

​អ្នក​ស្រាវជ្រាវ​នៅ​ទីក្រុង​ញូវដេល្លី​បាន​រកឃើញ​ទីតាំង​សំបុក​ចំនួន ៩២ ដែល​ធ្លាប់​ជា​កម្មសិទ្ធិ​របស់​ដា​យ​ណូ​ស័រ​ឈ្មោះ​ទី​តាណូ​ស័រ (Titanosaurs)​ដែល​ជា​ក្រុម​គ្រួសារ​ដាយ​ណូស័​រក​វែង​ដែល​ជា​សត្វ​ធំ​​បំផុត​មិន​ធ្លាប់​មាន​ពីមុនមក​។​

​គ្របដណ្តប់​លើ​ផ្ទៃ​ដី​ប្រហែល ១.០០០ គីឡូម៉ែត្រ​ពី​ភាគ​ខាងកើត​ដល់​ភាគ​ខាងលិច សំបុក​ដាយ​ណូ​ស័រ​ទាំងនេះក៏​ជា​សំបុក​ធំ​បំផុត​មួយ​ផងដែរ ដែល​មនុស្ស​ស្គាល់​ហើយ​បាន​លាតត្រដាង​ការយល់ដឹង​​ថ្មី​អំពី​ប្រភេទ​សត្វ​ដ៏​ធំ​មួយ​នេះ​។​

​ឧទាហរណ៍​ជាក់ស្តែង សំបុក​នៅ​ជិតៗ​គ្នា​បែប​នេះ​បង្ហាញថា មេបា​របស់​វា​មិន​បាន​នៅ​ចាំ​មើល​កូន​របស់​វា​ញាស់​នោះទេ នេះ​បើ​យោង​តាម​អ្នកជំនាញ​។​

​នោះ​ក៏​ព្រោះតែ​គ្មាន​កន្លែង​សម្រាប់​ពួកវា​ធ្វើ​ដូច្នេះ ហើយ​ប្រសិនបើ​ពួក​វា​ធ្វើ​បែប​នោះ​មែន បុរាណ​វិទូ​នឹង​កត់សម្គាល់​ឃើញ​ហ្វូ​ស៊ីលស៊ុត​បែក​កាន់តែច្រើ​ន​ជាមិនខាន​។​

​លើសពីនេះ​ទៀត មិន​មាន​កំណត់ត្រា​ហ្វូ​ស៊ីល​ច្រើន​អំពី​ឆ្អឹង​កូន​ដាយ​ណូ​ស័រ​នៅក្នុង​តំបន់​ទេ ដែល​នេះ​ស​បញ្ជាក់ថា កូន​ដាយ​ណូ​ស័របាន​ចាកចេញ​ពី​សំ​បុក​ភ្លាមៗ​បន្ទាប់​ពី​ញាស់​៕

​ដាយ​ណូ​ស័រទី​តាណូ​ស័រ​ធ្វើ​សំបុក​ដូច​បក្សី​សម័យ​ទំនើប​ដែរ​