ប្រែ​សម្រួល : កញ្ញា​ដា​លី​ស (CGTN) ៖ លោក គូ យ៉ាន​ហុង (Guo Yanhong) មន្ត្រី​នៃ​គណៈកម្មាធិការ​សុខភាព​ជាតិ (NHC) បាន​ប្រាប់​សន្និសីទ​សារព័ត៌មាន​កាល​ពី​ថ្ងៃ​ព្រហស្បតិ៍​ទី​១៩​មករា​ថា ចិន​បាន​ឆ្លង​ផុត​ដំណាក់កាល​កំពូល​នៃ​អ្នកជំងឺ​កូវី​ដ​១៩​ធ្ងន់ធ្ងរ​នៅ​មន្ទីរពេទ្យ និង​អ្នកជំងឺ​គ្រុ​នក្តៅ ក៏ដូចជា​អ្នកជំងឺ​នៅក្នុង​បន្ទប់សង្គ្រោះបន្ទាន់​។​

​លោក​គូ​បាន​និយាយថា ចំនួន​អ្នកជំងឺ​ប្រចាំ​ថ្ងៃ​ដែល​ទៅ​គ្លីនិក​គ្រុនក្តៅ​បាន​ឡើង​ដល់​កំពូល​នៅ​ថ្ងៃទី ២៣ ខែ​ធ្នូ ហើយ​បាន​ធ្លាក់​ចុះ​ចាប់​តាំងពី​ពេលនោះ​មក ដោយ​បន្ថែម​ថា គិត​ត្រឹម​ថ្ងៃទី ១៧ ខែ​មករា ចំនួន​នេះ​បាន​ធ្លាក់ចុះ ៩៤ ភាគរយ ទាប​ជាង​នៅ​ថ្ងៃទី ៧ ខែ​ធ្នូ នៅពេលដែល NHC​បាន​ចេញ​វិធានការ​បង្កើន​ប្រសិទ្ធភាព​ចំនួន ១០ សម្រាប់​ការគ្រប់គ្រង​កូវី​ដ​១៩​។​

​យោង​តាម​លោក​គូ ចំនួន​អ្នកជំងឺ​ចូល​បន្ទប់​សង្គ្រោះ​បន្ទាន់​នៅ​ថ្ងៃទី ១៧ ខែ​មករា​ក៏បាន​ធ្លាក់ចុះ ៤៤ ភាគរយ​ពី​កម្រិត​កំពូល​នៅ​ថ្ងៃទី ២ ខែ​មករា​ផងដែរ​។​

​ចំនួន​អ្នកជំងឺ​សម្រាក​ព្យាបាល​នៅ​មន្ទីរពេទ្យ​បាន​ឡើង​ដល់​កំពូល​នៅ​ថ្ងៃទី ៥ ខែ​មករា ហើយ​បន្ទាប់មក​បាន​ធ្លាក់ចុះ ៤៤,៣ ភាគរយ​គិត​ត្រឹម​ថ្ងៃទី ១៧ ខែ​មករា​៕

​ក្រុម​យន្តការ​ទប់ស្កាត់​និង​ត្រួតពិនិត្យ​រួម​នៃ​ក្រុមប្រឹក្សារដ្ឋ​ធ្វើ​សន្និសីទ​សារព័ត៌មាន​នៅ​ទីក្រុង​ប៉េកាំង ប្រទេស​ចិន កាលពី​ថ្ងៃទី ១៩ ខែ​មករា ឆ្នាំ ២០២៣