​ប្រែ​សម្រួលៈ​បំណង​(​ស្ត្រេត​ថែមស៍​)៖ ពួក​មន្ត្រី​ព្រៃឈើ​អូស្ត្រាលី បានសម្លាប់​គីង្គក់​យក្ស​ទម្ងន់​២,៧​គីឡូក្រាម​មួយ​ក្បាល ដែល​ពួកគេ​ប្រទេស​ឃើញ​ក្នុង​ព្រៃ​នៅ​ឧទ្យាន​តាម​ឆ្នេរ​មួយ ។​

​គីង្គក់​នេះ​ត្រូវបាន​ប្រទះឃើញ​ក្រោយ​ពស់​មួយ​បាន​លូន​កាត់​ផ្លូវ​ដោយ​បង្ខំ​អោយ​ពួក​អ្នក​ល្បាត​ព្រៃ​ឈប់​ក្នុងពេល​ពួកគេ​បើក​រថយន្ត​នៅ​ក្នុង​ឧទ្យាន​មួយ​ក្នុង​រដ្ឋ​គ្វី​ន​ស៍លែ​ន​(Queensland)​។​

​អ្នក​ល្បាត​ព្រៃ ឃី​លី ហ្ក្រេ​យ​(Kylee Gray)​បាន​និយាយថា «​ខ្ញុំ​បាន​ចុះ​ចាប់​គីង្គក់​និង​ស្ទើរតែ​មិន​ជឿ​ថា​មាន​គីង្គក់​ធំ​បែបនេះ​។​វា​អាច​ស៊ី​អ្វីៗ​ចូលក្នុង​មាត់​របស់​វា រួម​មាន​សត្វល្អិត ល្មូ​ន​និង​សត្វតូចៗ​»​។​

​សូមបញ្ជាក់​ថា គីង្គក់​ប្រភេទ​នេះ​ត្រូវបាន​នាំ​ពី​ទ្វីប​ដទៃ​ទៅ​ព្រលែង​ក្នុង​រដ្ឋ​គ្វី​ន​ស៍លែ​ន​នៅ​ឆ្នាំ​១៩៣៥​ដើម្បី​គ្រប់គ្រង​ហ្វូង​សត្វ​អណ្តើកមាស​ដែល​បំផ្លាញ​ដំណាំ តែ​ក្រោយៗ​មក​វា​បាន​កើន​កូន​ពូន​ជា​ចៅ​បង្ក​​ផលវិបាក​ដ៏​ហិនហោច​សំរាប់​សត្វព្រៃ​ផ្សេងៗ​។​
​គីង្គក់​ទម្ងន់​២,៧​គីឡូក្រាម ទំហំ​ស្ទើរ​ស្មើ​ក្មេង​ទើប​កើត​មួយ អាច​ជា​គីង្គក់​ធំ​បំផុត​ក្នុង​លោក នេះ​បើ​តាម​ការអះអាង​របស់​នាយកដ្ឋាន​បរិស្ថាន​និង​វិទ្យាសាស្ត្រ​គ្វី​ន​ស៍លែ​ន​។​ដោយ​ពណ៌​នាវា​ជា​គីង្គក់​យក្ស នាយកដ្ឋាន​បាន​និយាយថា វា​អាច​នឹង​ត្រូវ​នាំ​ទៅ​ដាក់​នៅ​សារមន្ទីរ​គ្វី​ន​ស៍លែ​ន​។​

​ដោយសារ​ទំហំ វា​អាច​ជា​គីង្គក់​ញី​។​គីង្គក់​ញី​អាច​បញ្ចេញ​ពង​៣០.០០០​ក្នុង​មួយ​រដូវ និង​ជា​ប្រភេទ​សត្វ​ពុល ដែល​នាំអោយ​សត្វ​ស៊ី​វា​ជា​អាហារ​ងាប់​ពាយ​នៅ​គ្វី​ន​ស៍លែ​ន​៕