​ដោយៈ សុវណ្ណ​កុម្ភៈ / ភ្នំពេញៈ លោកនាយ​ឧ​ត្ត​ម​សេនីយ៍ សន្ដិ​បណ្ឌិត នេ​ត សាវឿន អគ្គស្នងការ​នគរបាល​ជាតិ​កម្ពុជា បានលើកឡើង​ថាៈ មាន​ប្រទេស និង​ស្ថាប័ន​ចំនួន ៨ នឹង​គាំទ្រ​ដល់​កិច្ចការពារ​សន្ដិសុខ សណ្ដាប់ធ្នាប់ សម្រាប់​ស៊ី​ហ្គេម និង​អាស៊ាន​ប៉ា​រ៉ា​ហ្គេម នៅ​កម្ពុជា​។​

​លោក នេ​ត សាវឿន បាន​បន្ដថាៈ ដោយមាន​ការគាំទ្រ​ពី​រាជរដ្ឋាភិបាល និង ក្រសួងមហាផ្ទៃ គណ​:​កម្ម​ការ​សណ្ដាប់ធ្នាប់ និង​សន្ដិសុខ បានធ្វើការ​ពង្រីក​វិសាល ភាព ទំនាក់ទំនង​សហប្រតិបត្តិការ យ៉ាង​ទូលំទូលាយ ជាមួយ​បណ្ដា​ប្រទេស ស្ថាប័ន​ជា​ដៃគូ ដោយបាន​ទទួល​ការ​ឝាំ​ទ្រ​ពី​៖

១-​មាន​ប្រទេស និង​ស្ថាប័ន​ចំនួន​៨ ផ្ដល់​កិច្ចសហប្រតិបត្តិការ ដល់​កិច្ចការពារ សន្ដិសុខ សម្រាប់​ព្រឹត្តិការណ៍​សំខាន់ៗ នៅ​កម្ពុជា រួមទាំង​ព្រឹត្តិការណ៍​ស៊ី​ហ្គេម លើក​ទី​៣២ និង​អាស៊ាន​ប៉ា​រ៉ា​ហ្គេម លើក​ទី​១២ មាន​ជាអាទិ៍ ប្រទេស​អូស្ដ្រាលី ចិន ជប៉ុន វៀតណាម ស្ថាប័ន Interpol ស្ថាប័ន FBI និង ASEANAPOL​។​ ​ប្រទេស​ជប៉ុន ចិន និង វៀតណាម បានផ្ដល់​ឧបករណ៍ សម្ភារ​:​បច្ចេកទេស ប្រើ​ឲ្យ​កិច្ចប្រតិបត្តិការ រក្សា​សន្ដិសុខ សណ្ដាប់ធ្នាប់​។ FBI បានធ្វើការ​ផ្លាស់ប្ដូរ បទពិសោធន៍ តាមរយៈ​ការបញ្ជូន​រូបភាព និង​សម្លេង​ពី​ចម្ងាយ​។ នគរបាល​សឹង្ហ​បូរី ក្រសួង​នគរបាល​វៀតណាម និង​ក្រសួង​សន្ដិសុខ​សាធារណៈ​ចិន បានផ្ដល់​ទីប្រឹក្សា​ និង​អ្នកជំនាញ​ឯកទេស រួមទាំង​គ្រូ​បង្គោល មក​ចូលរួម​ផ្ដល់យោបល់ ផ្លាស់ប្ដូរ​បទ ពិសោធន៍ ជាមួយ​ការបណ្ដុះ បណ្ដាល ជំនាញ​អន្តរាគមន៍ ជំនាញ​ការពារ​ផ្ទាល់ និង​អម​ក្បួន​។​

២-​បាន​បញ្ជូន​គណៈប្រតិភូ ទៅ​សង្កេតការណ៍ និង​ដកស្រង់​បទពិសោធន៍​ការងារ ការពារ​សន្ដិសុខ ក្នុងអំឡុងពេល​ប្រកួត​កីឡា​ស៊ី​ហ្គេម លើក​ទី​៣១ នៅ​ប្រទេស​វៀតណាម កន្លងមក​។​

៣-​បាន​ពង្រឹង​យន្តការ​ទំនាក់ទំនង​ពត៌មាន ជាមួយ​ប្រទេស និង​ស្ថាប័ន​ជា​ដៃគូ សហប្រតិបត្តិការ ក្នុង​និង​ក្រៅ​តំបន់ ដើម្បី​ប្រមូល​ព័ត៌មាន​សន្ដិសុខ បម្រើ​ឲ្យ ព្រឹត្តិការណ៍​ប្រកួត​កីឡា​ស៊ី​ហ្គេម លើក​ទី​៣២ និង​អាស៊ាន​ប៉ា​រ៉ា​ហ្គេម លើក​ទី​១២ ៕/V​

លោកនាយ​ឧ​ត្ត​ម​សេនីយ៍ សន្ដិ​បណ្ឌិត នេ​ត សាវឿន អគ្គស្នងការ​នគរបាល​ជាតិ​កម្ពុជា