​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ក្រុមហ៊ុន​មេ​របស់ Google គឺ Alphabet បាន​និយាយ​កាលពី​ថ្ងៃ​សុក្រ​ទី​២០​មករា​ថា ខ្លួន​នឹង​កាត់បន្ថយ​ការងារ​ប្រហែល ១២.០០០ ឬ ៦​ភាគរយ​នៃ​​កម្លាំង​ការងារ​របស់​ខ្លួន​។​

​នៅក្នុង​កំណត់ហេតុ​មួយ​ទៅ​កាន់​បុគ្គលិក នាយក​ប្រតិបត្តិ​ក្រុមហ៊ុន Alphabet លោក ស៊ុន​ដា ពិ​ឆៃ (Sundar Pichai)​បាន​និយាយថា​ក្រុមហ៊ុន​បាន​ពង្រីក​ចំនួន​បុគ្គលិក​យ៉ាង​ឆាប់រហ័ស​​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ “​សម្រាប់​ការ​ពិត​នៃ​សេដ្ឋកិច្ច​ខុស​ពី​អ្វី​ដែល​យើង​ប្រឈមមុខ​សព្វថ្ងៃនេះ​”​។​

​លោក​បាន​និយាយថា “​ខ្ញុំ​ទទួលខុសត្រូវ​ទាំងស្រុង​ចំពោះ​ការសម្រេចចិត្ត​ដែល​នាំ​យើង​មក​ទី​នេះ​”​។​

​ការកាត់បន្ថយ​ការងារ​នេះ​ប៉ះពាល់​ដល់​ក្រុម​នានា​នៅ​ទូទាំង​ក្រុមហ៊ុន រួម​ទាំង​ក្រុម​ជ្រើសរើស​បុគ្គលិក​និង​ក្រុម​មុខងារ​សាជីវកម្ម​មួយចំនួន ក៏​ដូចជា​ក្រុម​វិស្វកម្ម និង​ក្រុម​ផលិតផល​មួយចំនួន​ផងដែរ​។​

Google​បាន​និយាយថា ការបញ្ឈប់​បុគ្គលិក​គឺ​មាន​លក្ខណៈ​សកល ហើយ​ប៉ះពាល់​ដល់​បុគ្គលិក​អាម៉េរិក​ភ្លាមៗ​។​

​នៅ​សហរដ្ឋ​អាម៉េរិក ជា​កន្លែង​ដែល​ក្រុមហ៊ុន Alphabet បាន​ផ្ញើ​អ៊ីមែល​ទៅ​បុគ្គលិក​ដែល​រង​ផលប៉ះពាល់​រួច​ហើយ​នោះ​បុគ្គលិក​នឹង​ទទួលបាន​ប្រាក់​ដំណាច់​ការងារ​និង​ការថែទាំ​សុខភាព​រយៈពេល​​ប្រាំមួយ​ខែ​ក៏​ដូចជា​ជំនួយ​ផ្នែក​អន្តោប្រវេសន៍​ផងដែរ​។​

​លោក​ពិ​ឆៃ​និយាយថា នៅ​ក្រៅប្រទេស ការ​ជូនដំណឹង​អំពី​ការបញ្ឈប់​ការងារ​នឹង​ចំណាយ​ពេល​យូរ​ជាង ដោយសារ​ច្បាប់​ការងារ​និង​ការអនុវត្ត​ក្នុងស្រុក​៕

​ក្នុងចំណោមបុគ្គលិក ១២.០០០ នាក់​ដែលត្រូវកាត់ចេញ រួមមានខ្លះនៅនឹងត្រូវ​ជម្រុះ​ពី Google