ដោយៈ សុវណ្ណ​កុម្ភៈ / ភ្នំពេញៈ គណ​:​ក​ម្មា​ធិ​ការ​ជាតិ​រៀបចំ​ស៊ី​ហ្គេម លើក​ទី​៣២ ឆ្នាំ​២០២ (Camsoc) បាន​ជំរុញ​បន្ថែម ដល់​ការផ្សព្វផ្សាយ​ឲ្យ​កាន់តែ​ទូលំ ទូលាយ ចាប់ពី​ថ្ងៃទី​២៥ មករា ២០២៣ ដែលជា​ថ្ងៃ​រាប់​ថយក្រោយ ១០០ ថ្ងៃ នៃ​ដំណើរ​ឆ្ពោះ​ទៅធ្វើ​ម្ចាស់ផ្ទះ ស៊ី​ហ្គេម​លើក​ទី​៣២ និង​អាស៊ាន​ប៉ា​រ៉ា​ហ្គេម លើក​ទី​១២​។​

 

​លោក វ៉ា​ត់ ចំរើន អគ្គលេខាធិការ Camsoc បាន​មាន​ប្រសា​ន៍​ថាៈ សម្ដេច​ពិជ័យ​សេនា ទៀ បាញ់ ដែលជា​ប្រមុខ Camsoc បាន​ជម្រាបជូន​លោក ខៀវ កាញារិទ្ធ រដ្ឋមន្ត្រីក្រសួង​ព័ត៌មាន ឲ្យ​ជំរុញ​ការផ្សព្វផ្សាយ តាម​ទូរទស្សន៍ នូវ​ស្ប៉ត​ស៊ី​ហ្គេម និង​អាស៊ាន​ប៉ា​រ៉ា​ហ្គេម ឲ្យ​បានជា​អតិបរមា តាម​ដែល​អាច​ធ្វើបាន​។ រាល់​កម្មវិធី​ទូរទស្សន៍​ទាំងអស់ ត្រូវ​ផ្សព្វផ្សាយ​ឲ្យ​បាន​ទូលំទូលាយ ជូន​ប្រជាជន​ខ្មែរ និង​អន្តរជាតិ ឱ្យបាន​ច្រើន​។

​នេះ​ជាការ​បង្ហាញ​ឲ្យ​កាន់តែច្បាស់​ថា កម្ពុជា​បាន​ត្រៀមខ្លួន រួចរាល់​អស់ហើយ សម្រាប់​ដំណើរ​ឆ្ពោះ​ទៅធ្វើ​ម្ចាស់ផ្ទះ​ស៊ី​ហ្គេម និង​អាស៊ាន​ប៉ា​រ៉ា​ហ្គេម​។ និម្មិត​រូប​នៃ ១០០ ថ្ងៃ គឺជា​ការផ្ញើ​សារ​ទៅ​ឝ្រ​ប់​ប្រទេស នៃ​សមាជិក​អាស៊ីអាគ្នេយ៍ និង​ពិភពលោក​ថា កម្ពុជា​ត្រៀមខ្លួន​រួចរាល់ ( Cambodia is ready ) ដើម្បី​ស្វាគមន៍​ដល់​ប្រតិភូ​កីឡា ដែល​ចូលរួម​ក្នុង​ព្រឹត្តិការណ៍​កីឡា​តំបន់​នេះ​។​

​សម្ដេច​ពិជ័យ​សេនា ទៀ បាញ់ ក៏​ជំរុញ​ឲ្យ​បំពាក់​ប្រព័ន្ធ​អី​ុ​ន​ធើ​ណេ​ត ឲ្យ​បាន​ឝ្រ​ប់ កន្លែង ក្នុងអំឡុងពេល​ប្រកួត ដែល​នេះ​ជា​គន្លឹះ​សំខាន់ ក្នុងការ​ផ្សព្វផ្សាយ​ឲ្យ​កាន់ តែមាន​ប្រសិទ្ធភាព នៅ​ទូទាំងប្រទេស និង​ពិភពលោក​។ បើ​គ្មាន​ប្រព័ន្ធ​អី​ុ​ន​ធើ​ណេ​ត គ្រប់គ្រាន់​ទេនោះ ការផ្សព្វផ្សាយ ក៏​មិនមាន​ប្រសិទ្ធភាព​ដែរ​៕/V​

សម្ដេច​ពិជ័យ​សេនា ទៀ បាញ់ ដែលជា​ប្រមុខ Camsoc

លោក វ៉ា​ត់ ចំរើន អគ្គលេខាធិការ Camsoc