​ដោយៈ ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

​ចាក​

​នាមសព្ទ​

​ឈ្មោះ​ឈើ​តចសារជាតិ​មួយ​ប្រភេទ សន្ដាន​នឹង​ជ្រែ តែ​ដុះ​ក្នុង​ទឹក​, ស្លឹក​ប្រើ​ប្រក់ផ្ទះ​, ផ្លែ​ខ្ចី​ប្រើ​បរិភោគបាន​ដូច​ផ្លែ​ត្នោត​ខ្ចី​, ច្រើន​មាន​សម្បូណ៌ នៅក្នុង​ដែនកម្ពុជា​ក្រោម​
​ស្លឹក​ចាក​, ផ្លែ​ចាក ។​

​កិរិយាសព្ទ​

​បែក​គ្នា​, ឃ្លាត​ពីគ្នា​
​ចាំ​ដល់​ផ្លូវបែក​ខាងមុខ សឹម​យើង​ចាក​គ្នា​; តាំងពី​ខ្ញុំ​ចាក​អំពី​ភូមិកំណើត​នេះ​ទៅ ២០ ឆ្នាំ​ហើយ ខ្ញុំ​ទើបនឹង​បានមក​ឃើញ​ស្រុក​វិញ​ក្នុងថ្ងៃនេះ​ឯង ។​

​អាយតនិបាត​

​ពាក្យ​ប្រាប់​ដំណើរ​ចៀស​ស្រឡះ​, វៀរលែង​ស្រឡះ លែង​ប្រព្រឹត្ត លែង​ធ្វើ​វិញទៀត​, ចេញទៅ​ហើយ​មិន​មកវិញ​ទៀត ឬ​មិន​មានបំណង​ថា​នឹង​បានមក​ទៀត​
​វៀរចាកទុច្ចរិត​; ចេញ​ចាក​ស្រុកកំណើត​ទៅកាន់​បរទេស​មិន​បម្រុង​នឹង​វិល​មកវិញ ។ គាត់​ចេញ​ចាក​លោក​នេះ​ទៅកាន់​បរលោក ២ ឆ្នាំ​ហើយ (​គាត់​ស្លាប់ ២ ឆ្នាំ​ហើយ​) ។ ព​. ផ្ទ​. ពី​, អំពី ។​

​ចេកទុំ​

​នាមសព្ទ​

​ឈ្មោះ​ឈើ​សន្ដាន​វល្លិ​ឡើងទ្រើង មាន​ផ្កា​ក្រអូប​តែ​ក្នុង​វេលា​ល្ងាច ។​
​ឈ្មោះ​ត្រី​ឥត​ស្រកា​ពួក​មួយ សន្ដាន​ត្រី​កញ្ចុះ ។​
​សត្វ​ស្លាប​ពួក​មួយ មាន​ចំពុះ​ក្រហម ។​

​ចេកទេស​

នាមសព្ទ​

​ឈ្មោះ​ប្រទាល​មួយ​ប្រភេទ សន្ដាន​ល្មៀត​, មាន​ផ្កា​ល្អ ពណ៌​ផ្សេងៗ តែ​ផ្កា​ឥត​ក្លិន (​មាន​ច្រើនបែប​) ។​

​ច្រាច់​

​នាមសព្ទ​

​ឈ្មោះ​ស្មៅទឹក​មួយ​ប្រភេទ ច្រើន​ដុះ​តែ​ក្នុង​ថ្លុក​, ត្រពាំង​, វាលស្រែ សន្ដាន​នឹង​ស្របាល នឹង​ត្រកៀត តែ​ដើម​តូចៗ​ជាង​, ប្រើ​ជា​បន្លែ​ឬ​ជា​អន្លក់​ក៏បាន​ខ្លះ ។​

​ឆេះ​

​កិរិយាសព្ទ​

​ត្រូវ​ភ្លើង​ចាប់​, វិនាស​ដោយ​ភ្លើង​, កើតមាន​ភ្លើង​
​ភ្លើង​ឆេះ​ព្រៃ​, គោម​ឆេះ​ហើយ ។​

​គុណសព្ទ​

​ដែល​ងាយ​ដុត​, ដែល​ឆាប់​ទទួល​ភ្លើង​
​ឧស​នេះ​ឆេះ​ល្អ​ណាស់ ។​
​ព​. ប្រ​. កិ​. ក្ដៅក្រហាយ​, រោលរាល ក្នុង​សន្ដាន សត្វលោក​ត្រូវ​ភ្លើងទុក្ខភ្លើងកិលេស​ឆេះ​រង្គំ​ជានិច្ច ។​
​ខឹង​ក្ដៅ​ខ្លាំង​, ក្ដៅចិត្ត​ខ្លាំង​
​គាត់​គ្រាន់តែ​ឮ​គេ​និយាយ​រឿងហេតុ​នោះ​ប្រាប់​ភ្លាម ក៏​ស្រាប់តែ​ឆេះ​ច្រឡោត​អ្នកណា​អង្វរ​ក៏​មិន​ព្រម ។​