​ប្រែ​សម្រួល : កញ្ញា​ដា​លី​ស (​ហ្គា​ឌា​ន​) ៖ ផ្កាយដុះកន្ទុយ​មួយ ដែល​មិន​បាន​ឃើញ​ចាប់តាំងពី​សម័យ​ក្រុមមនុស្ស​នី​ន​ឌឺ​ថាល់ (Neanderthals) ដើរ​លើ​ផែនដី​កាលពី ៥០.០០០ ឆ្នាំ​មុន​នឹង​ត្រឡប់​មក​​វិញ​ក្នុង​មួយ​សប្តាហ៍​ទៀត ប៉ុន្តែ​អ្នក​ថតរូប​តារាសាស្ត្រ​នឹង​មាន​ឱកាសល្អ​បំផុត​ដើម្បី​ផ្តិត​យក​រូបភាព​ផ្កាយដុះកន្ទុយ​រាង​ដូច​ជា​ដុំ​ទឹកកក ដែល​មិន​ធ្លាប់មាន​ក្នុង​មួយ​ជំនាន់​មនុស្ស​របស់​យើង​នេះ​។​

​លោក អាន់​ឌ្រូ ម៉ាក​កា​ធី (Andrew McCarthy) មក​ពី​រដ្ឋ​អា​រី​ហ្សូ​ណា បាន​ផ្តិត​យក​រូបភាព​ដ៏​គួរឱ្យភ្ញាក់ផ្អើល​នៃ​ផ្កាយដុះកន្ទុយ​ឈ្មោះ C/2022 E3 (ZTF)​ដែល​មាន​ពន្លឺ​ពណ៌​បៃតង​និង​កន្ទុយ​​ដ៏​វែង​នេះ​។​

​ឥឡូវនេះ ផ្កាយដុះកន្ទុយ E3 អាច​មើល​ល​ឃើញតែ​តាម​កែវយឹត​ប៉ុណ្ណោះ ប៉ុន្តែ​វា​នឹង​អាច​មើលឃើញ​ដោយ​ភ្នែក​ទទេ នៅពេល​ដែល​វា​ទៅដល់​គន្លង​របស់​ព្រះ​ចន្ទ​នៅ​ដើមខែ​កុម្ភៈ​នៅ​ពេល​ដែល​វា​ស្ថិតនៅ​​ចម្ងាយ ៤១ លាន​គីឡូម៉ែត្រ​ពី​ផែនដី​។​

​លោក​ម៉ាក​កា​ធី​បាន​ប្រាប់ DailyMail.com ថា​គាត់​បាន​ចំណាយ​ពេល​ពេញ​មួយ​ព្រឹក​ដើម្បី​តាមដាន​ផ្កាយដុះកន្ទុយ​នេះ ហើយ “​លទ្ធផល​គឺជា​ការថតរូប ៤៥ សន្លឹក​ត្រួត​លើ​គ្នា​ដែល​ថត​បាន​ក្នុង​រយៈ​​ពេល​មួយ​ម៉ោង​រវាង​ពពក​”​។​

​ម៉ាក​កា​ធី​បាន​បន្ត​ពន្យល់​ថា​មាន​ពពក​ច្រើន​នៅលើ​មេឃ​នៅ​ថ្ងៃ​ដែល​គាត់​កំពុង​តាមដាន​ផ្កាយដុះកន្ទុយ E3 ហើយ​បាន​ថត​រូបភាព​រាល់​ឱកាស​ដែល​គាត់​ទទួលបាន​៕

ផ្កាយដុះកន្ទុយ E3 នឹង​អាច​មើលឃើញ​ដោយ​ភ្នែក​ទទេ​នៅពេល​វា​ហោះ​មក​ដល់​គន្លង​ព្រះ​ចន្ទ​នៅ​ដើមខែ​កុម្ភៈ