​ប្រែ​សម្រួលៈ​បំណង​(​ដេល្លី​ម៉េល​)៖ នាវា​ដឹក​ទំនិញ​Jin Tian​ដោត​ទង់​ហុងកុង​មួយ​បាន​លិច​នៅ​ឯនាយ​ឆ្នេរ​ភាគ​និរតី​ជប៉ុន​កាលពី​ដើម​ថ្ងៃ​ពុធ​ទី​២៥​មករា និង​កិច្ចខិតខំ​ជួយសង្គ្រោះ​កំពុង​ប្រព្រឹត្តទៅ​​ដើម្បី​ជួយសង្គ្រោះ​សមាជិក​នាវិក​១៨​នាក់​បន្ទាប់​ពី​ជួយសង្គ្រោះ​បាន​បួន​នាក់​។​

​នាវា​នេះ​បាន​លិច​នៅ​ចម្ងាយ​១១០​គីឡូម៉ែត្រ​ខាងលិច​កោះ​ដាន់​ចូ​(Danjo) ​នេះ​បើ​តាម​ការបញ្ជាក់​ពី​អ្នកនាំពាក្យ​ឆ្មាំ​សមុទ្រ​ជប៉ុន​។​

​កង​ឆ្មាំ​សមុទ្រ​ជប៉ុន​បាន​ទទួល​សញ្ញា​សុំ​ជំនួយ​នៅ​ម៉ោង​១១​និង​១៥​នាទី​យប់​ថ្ងៃ​អង្គារ រីឯ​មូលហេតុ​នៃ​ការ​លិច​នាវា​នេះ​គេ​នៅ​មិនទាន់​ដឹង​នៅឡើយ​ទេ​។​

​វា​ទំនងជា​ឧបទ្ទវហេតុ​នាវា​ដ៏​អាក្រក់​បំផុត​នៅ​ជប៉ុន​ចាប់តាំងពី​ពេល​នាវា​ដឹកគោ​ជិត​៦.០០០​ក្បាល​មួយ​បាន​លិច​នៅ​ឯនាយ​ឆ្នេរ​របស់ខ្លួន​កាលពី​ឆ្នាំ​២០២០ ដែល​បណ្តាល​អោយ​សមាជិក​នាវិក​ស្ទើរទាំ​ង​​អស់​ក្នុងចំណោម​សមាជិក​៤០​នាក់​បាត់​ខ្លួនក្នុងសមុទ្រ​។​

​សមាជិក​នាវិក​ក្នុង​នាវា​ដឹក​ទំនិញ​Jin Tian រួម​មាន​ជនជាតិ​ចិន​១៤​នាក់ និង​មី​យ៉ាន់​ម៉ា​ប្រាំ​បីនាក់​។​ពួកគេ​បាន​ហក់​ចូល​ទូក​សង្គ្រោះ​គ្រាអាសន្ន​នៅ​ម៉ោង​ជាង​២​ជិត​ភ្លឺ និង​នាវា​បាន​លិច​ចូល​ក្នុង​ទឹក​​សមុទ្រ​បាត់​នៅ​ប្រាំមួយ​នាទី​ក្រោយ​។​

​អ្នកនាំពាក្យ​កង​ឆ្មាំ​សមុទ្រ​ជប៉ុន​បាន​និយាយថា «​នៅ​ម៉ោង​ជាង​ប្រាំពីរ​ព្រឹក ជនជាតិ​ចិន​បួន​នាក់​ត្រូវបាន​ជួយសង្គ្រោះ និង​ប្រតិបត្តិការ​ជួយសង្គ្រោះ​នៅ​បន្ត​ស្វែងរក​មនុស្ស​១៨​នាក់​ទៀត​។​យន្តហោះ​ស្វែង​​រក​មួយ​និង​នា​វាពីរ​ត្រូវបាន​បញ្ជូន​ទៅកាន់​កន្លែង​កើតហេតុ​»៕

​ទីភ្នាក់ងារ​សារព័ត៌មាន​ក្យូ​ដូ​បាន​និយាយថា មនុស្ស​បួន​នាក់​ត្រូវបាន​ជួយសង្គ្រោះ​កាលពី​ព្រឹក​ថ្ងៃ​ពុធ​

​នាវា​បី​រួមមាន​នាវា​ក្នុង​កង​ឆ្មាំ​សមុទ្រ​ជប៉ុន​កំពុង​ស្វែង​អ្នក​បាត់​ខ្លួន​ក្នុង​ហេតុការណ៍​លិច​នាវា​ដឹក​ទំនិញ​ដោតទង់​ហុងកុង​