ប្រែ​សម្រួលៈ​បំណង​(​ដេល្លី​ម៉េល​)៖ អាល្លឺម៉ង់​នឹង​បញ្ជូន​រថក្រោះ​ធុន​ធ្ងន់​Leopard 2​ទៅអោយ​អ៊ុយ​ក្រែ​ន​និង​ក៏បានអនុញ្ញាត​អោយ​ប្រទេស​សម្ពន្ធមិត្ត​ដែល​កំពុង​ប្រើប្រាស់​រថក្រោះ​ប្រភេទ​នេះ​អាច​នាំ​ចេញ​បន្ត​ទៅ​អោយ​កងកម្លាំង​អ៊ុយ​ក្រែន​ផងដែរ នេះ​បើ​តាម​អ្នកនាំពាក្យ​រដ្ឋាភិបាល​អាល្លឺម៉ង់​បាន​និយាយ​កាលពី​ថ្ងៃ​ពុធ​។​

​រុស្ស៊ី​បានចាត់ទុក​ការបញ្ជូន​សព្វាវុធ​ធុន​ធ្ងន់​នេះ​ទៅអោយ​អ៊ុ​យក្រែន ជា​តឹកតាង​បញ្ជាក់ថា​លោក​ខាងលិច​ចង់​បង្កើន​សង្គ្រាម​។​

​ស្ថានទូត​រុស្ស៊ី​ប្រចាំ​អាល្លឺម៉ង់​បាន​និយាយថា ការសំរេចចិត្ត​របស់​រដ្ឋាភិបាល​ទីក្រុង​ប៊ែរ​ឡាំង​មាន​ន័យ​ថា​ប្រទេស​នេះ​បោះបង់ចោល«​ការទទួលខុសត្រូវ​ជា​ប្រវត្តិសាស្ត្រ​របស់​ខ្លួន​ចំពោះ​រុស្ស៊ី​»​ចេញពី​ឧក្រិដ្ឋកម្ម​របស់​ពួក​ណា​ស៊ី​នៅក្នុង​សង្គ្រាមលោកលើកទីពីរ​។​នៅក្នុង​សេចក្តីថ្លែងការណ៍​មួយ ស្ថានទូត​បាន​និយាយថា ការសំរេចចិត្ត​នេះ​នឹង​កាន់តែ​ធ្វើអោយ​ជម្លោះ​រីក​រាលដាល​ទៅ​កាន់​កំរិត​ថ្មី​មួយ​។​

​អ្នកនាំពាក្យ​ក្រសួងការបរទេស​រុស្ស៊ី​លោកស្រី​ម៉ា​រៀ ហ្សា​ខា​រ៉ូ​វ៉ា​(Maria Zakharova)​បាន​និយាយថា ការសំរេចចិត្ត​របស់​អាល្លឺម៉ង់​បាន​បញ្ជាក់​អំពី​អ្វី​ដែល​លោកស្រី​បាន​និយាយថា​«​សង្គ្រាម​មាន​ការរៀបចំទុក​ជាមុន​»​មួយ​ប្រឆាំង​នឹង​រដ្ឋាភិបាល​ទីក្រុង​មូ​ស្គូ​។​

​ចំណែក​រដ្ឋាភិបាល​វិមាន​ក្រឹម​ឡាំង​បាន​និយាយថា រថក្រោះ​ប្រយុទ្ធ​ធុន​Abrams​ដែល​អាម៉េរិក​ប្រគល់​អោយ​អ៊ុយ​ក្រែ​ននឹង​ត្រូវកំទេច​ចោល​។​

​ក្រោយ​ការសំរេចចិត្ត​ភ្លាម អគ្គលេខា​អង្គការ​ណា​តូ បាន​ស្វាគមន៍​ការសំរេចចិត្ត​របស់​អាល្លឺម៉ង់ ដោយ​សង្ឃឹម​ថា​វា​នឹង​ជួយ​អោយ​អ៊ុយ​ក្រែន​ឈ្នះ​រុស្ស៊ី​។​លោក​ជេនស៍ ស្តូល​ថិ​ន​ប៊ឺក បាន​និយាយថា​«​នៅ​ពេល​ដ៏​សំខាន់​នេះ រថក្រោះ​ទាំងនេះ​អាច​ជួយ​អោយ​អ៊ុយ​ក្រែន​ការពារ​ខ្លួន ឈ្នះ​និង​ងើបឈរ​ជា​ប្រជាជាតិ​ឯករាជ្យ​មួយ​»​។​

​ចំណែក​នាយករដ្ឋមន្ត្រី​អង់គ្លេស​បាន​និយាយ​នៅ​ថ្ងៃ​ពុធ​នេះ​ថា អាល្លឺម៉ង់​ធ្វើការ​សំរេចចិត្ត​ត្រឹមត្រូវ​នៅពេល​ប្រធានាធិបតី​បារាំង​ក៏បាន​ស្វាគមន៍​ការសំរេចចិត្ត​នេះ​។​

​ប៉ូឡូញ ហ្វាំង​ឡ​ង់ ស៊ុយអែត ហូឡង់​និង​អេ​ស្ប៉ាញ​បាន​រួសរាន់​ស្វាគមន៍​និង​អះអាងថា​ពួកគេ​នឹង​ចូលរួម​បញ្ជូន​រថក្រោះ​Leopardsទៅ​អោយ​អ៊ុ​យក្រែន​៕

​ក្រោយ​ស្ទាក់ស្ទើរ​អស់​ជាច្រើន​សប្តាហ៍ អធិការបតី​អាល្លឺម៉ង់លោក អូ​ឡា​ហ្វ ស្កូ​ល បាន​ប្រកាស​កាលពី​ថ្ងៃ​ពុធ​ថា រដ្ឋាភិបាល​របស់​លោក​នឹង​ផ្តល់​រថក្រោះ​ប្រយុទ្ធ​Leopard 2 និង​អនុញ្ញាត​អោយ​ដៃគូ​បញ្ជូន​រថក្រោះ​ផលិត​នៅ​អាល្លឺម៉ង់​នេះ​ទៅ​កាន់​អ៊ុ​យក្រែន​