​ប្រែ​សម្រួលៈ​បំណង​(​ដេល្លី​ម៉េល​)៖ សហរដ្ឋ​អាម៉េរិក​បាន​និយាយ​កាលពី​ថ្ងៃ​ពុធ​ទី​២៥​មករា​ថា ខ្លួន​នឹង​ប្រគល់​រថក្រោះ​ប្រយុទ្ធ​ធុន​Abrams​ចំនួន​៣១​គ្រឿង​ដល់​អ៊ុយ​ក្រែន​ដើម្បី​វាយ​បណ្តេញ​ការឈ្លានពាន​​របស់​រុស្ស៊ី ដោយ​ធ្វើ​ដូចគ្នា​នឹង​សម្ពន្ធមិត្ត​អាល្លឺម៉ង់​និង​បំពេញ​បំណងប្រាថ្នា​យូរ​មក​ហើយរ​បស់​រដ្ឋាភិបាល​ទីក្រុង​គៀវ​។​

​អ៊ុ​យក្រែន ដែល​សុំ​អង្វរ​អោយ​គេ​ផ្តល់​រថក្រោះ​លោកខាងលិច​អស់​ពេល​ជា​ច្រើន​ខែ​មក​ហើយបាន​ស្វាគមន៍​ការប្រកាស​ទ្វេកាលពីថ្ងៃពុធ តែ​ប្រធានា​អ៊ុយ​ក្រែនលោក​វ៉ូ​ឡូឌី​មៀ ហ្សេ​ឡេន​ស្គី​បាន​សុំ​អោយ​ប្រគល់​វា​លឿន​​ៗ​បន្តិច​។​

​ការផ្តល់​រថក្រោះ​M1 Abrams​ក្នុង​គោលបំណង​ជួយ​អ៊ុយ​ក្រែន​ការពារ​ទឹកដី​របស់​ខ្លួន​ ដោយវា​មិន​ជា​ការ​គំរាម​ចំពោះ​រុស្ស៊ី​ទេ នេះ​បើ​តាម​អ្វី​ដែល​ប្រធានាធិបតី ចូ បៃ​ដិន បាន​និយាយ​ក្នុងពេល​ប្រកាស​ផ្តល់​​កាលពី​ថ្ងៃ​ពុធ​។​

​ការប្រកាស​ផ្តល់​នេះ​កើតឡើង​តែ​ប៉ុន្មាន​ម៉ោង​ក្រោយ​ពី​អាល្លឺម៉ង់ បាន​យល់ព្រម​ប្រគ​ល់​និង​អនុញ្ញាត​អោយ​ដៃគូ​ប្រគល់​រថក្រោះ​ប្រយុទ្ធ​ផលិត​នៅ​អាល្លឺម៉ង់ Leopard 2s​ទៅអោយ​អ៊ុ​យក្រែន​។​

​មិន​ដូច​រថក្រោះ​អាល្លឺម៉ង់​ទេ រថក្រោះ​Abramsរបស់​អាម៉េរិក​នឹង​ផលិត​ចេញ​ក្រោម​លុយ​ជំនួយ​អ៊ុ​យក្រែន ជាជាង​ដកចេញ​ចេញពី​ឃ្លាំង មានន័យថា​ពួកវា​នឹង​មិន​ទៅ​ដល់​សមរភូមិ​ក្នុងពេល​ឆាប់ៗ​អាច​​រាប់​ខែ​និង​ចូល​ដល់​ឆ្នាំ​។​

​អ្នកនាំពាក្យ​សន្តិសុខ​សេត​វិមាន​លោក ច​ន ឃឺ​ប៊ី បាន​និយាយថា យោង​តាម​ក្រសួង​ការពារជាតិ ជំនួយ​នេះ​មិន​ប៉ះពាល់​រថក្រោះ​Abrams​នៅក្នុង​ឃ្លាំង​អាម៉េរិក​ទេ​។​ជំរើស​ផ្សេងទៀត អាច​រួមមាន​ការទិញ​​វា​ថ្មី​ឬ​ទទួល​បាន​វាពី​ប្រទេស​មួយ​ផ្សេង​ទៀត​។​

​ជំនួយ​រថក្រោះ​នេះ​ជា​ផ្នែក​នៃ​ជំនួយ​មួយកញ្ចប់​តំលៃ​៤០០​លាន​ដុល្លារ ដែល​រួមមាន​គ្រាប់រំសេវ យានយន្ត​គាំទ្រ​និង​គ្រឿង​បរិក្ខារ ព្រមទាំង​ការហ្វឹកហាត់​និង​ជួសជុល​ថែទាំ​។​

​ជំនួយ​មួយកញ្ចប់​នេះ​ទៀត​នាំ​អោយ​ជំនួយ​អាម៉េរិក​សរុប​សំរាប់​អ៊ុយ​ក្រែន​ចាប់តាំងពី​រុស្ស៊ី​ចូល​ឈ្លានពាន​ប្រទេស​ក្បែរ​ខាង​អ៊ុយ​ក្រែន​កាលពី​ខែ​កុម្ភៈ ឆ្នាំ​២០២២​កើន​ដល់​ជាង​២៧,១​ពាន់​លាន​ដុល្លារ​។​

​មន្ត្រី​អាម៉េរិក​ម្នាក់​បាន​និយាយថា សហរដ្ឋ​អាម៉េរិក​នឹង​ចាប់ផ្តើម​កម្មវិធី​បង្ហាត់​ការប្រើប្រាស់​និង​ថែ​ទាំង​រថក្រោះ​នេះ​។​​បើ​តាម​មន្ត្រី​ក្រសួង​ការពារជាតិ​អាម៉េរិក​ម្នាក់ រថក្រោះ​Abrams មាន​ស​ត្ថភាព​ប្រយុទ្ធ​ខ្ពស់​ក្នុង​សមរភូមិ និង​ស្មុគស្មាញ​ណាស់​។​«​ដូច​គ្រឿង​សព្វាវុធ​ដទៃទៀត​ដែល​យើង​ផ្តល់​អោយ​អ៊ុយ​ក្រែន​ដែរ យើង​ចង់​​ធានា​ថា​ពួកគេ អ៊ុយក្រែន​មានលទ្ធភាព​ថែរក្សា ជួសជុល​និង​ប្រើ​វា​»៕

Abrams​បំពាក់​កាំភ្លើង​ធំ​១២០​មី​លី​ម៉ែត្រ និង​កាំភ្លើង​៥០​និង​៧,៦២​មី​លី​ម៉ែត្រ ជាមួយនឹង​កម្លាំង​ម៉ាស៊ីន​១.៥០០​សេះ​

​អាម៉េរិក​ក៏​សន្យា​ផ្តល់​រថ​ពាស​ដែក Stryker​ចំនួន​៩០​គ្រឿង​និង​Bradley ចំនួន​១០៩​គ្រឿង​