ប្រែសម្រួល : កញ្ញាដាលីស (ស្ត្រេតថែមស៍) ៖ វីដេអូឃ្លីប TikTokរបស់ឆ្មា តំតំ (Tom Tom) ពណ៌ទឹកក្រូច ដែលមានភ្នែកឆ្វេងដូចពេជ្រ បានផ្ទុះកាលពីថ្ងៃពុធទី២៥មករាដោយមានអ្នកនិយមលេងអ៊ីនធឺណិតជាច្រើនណែនាំម្ចាស់របស់វាឱ្យថែរក្សាវាឱ្យបានល្អ ព្រោះវានឹងនាំមកនូវភាពរុងរឿង។
ឃ្លីបចំនួនបួន ដែលបង្ហោះដោយគណនីឈ្មោះ @user3026088746242 បានបង្ហាញឆ្មាឈ្មោលដែលមានភ្នែកខាងឆ្វេងដ៏ចម្លែក ឈរក្នុងកាយវិការផ្សេងៗគ្នា។ ឃ្លីបមួយបានទាក់ទាញអ្នកទស្សនា ១,៥ លានដងគិតត្រឹមរសៀលថ្ងៃពុធ។
មតិភាគច្រើនបានប្រាប់ម្ចាស់ឆ្មាថា ឆ្មានេះនឹងនាំមកនូវភាពរុងរឿង។
អ្នកនិយមលេងអ៊ីនធឺណិតមួយចំនួនក៏ឆ្លៀតឱកាសទស្សន៍ទាយលេខឆ្នោតសំណាងសម្រាប់ឆ្នោតឡូតូថៃថ្ងៃទី ១ ខែកុម្ភៈផងដែរ។ លេខអាចត្រូវបានជ្រើសរើសដោយផ្អែកលើឈ្មោះរបស់អ្នកប្រើប្រាស់ TikTok ឬលេខសំណាងដែលទាក់ទងនឹងការសុបិនឃើញសត្វឆ្មា (ជាធម្មតាមានលេខ ៤, ៨ និង ៧)។
ប្រជាជនថៃភាគច្រើនជឿថា ឆ្មាដែលមានភ្នែកពេជ្រនឹងនាំមកនូវពេជ្រមែនទែនដល់ម្ចាស់របស់វា។ ជំនឿនេះត្រូវបានបង្ហាញក្នុងភាពយន្តថៃឆ្នាំ ១៩៧២ គឺរឿង Cat’s Eye Diamond។
ទោះយ៉ាងណា អ្វីដែលជនជាតិថៃហៅថា ភ្នែកពេជ្រនៅក្នុងឆ្មាជាធម្មតាបណ្តាលមកពីជំងឺដក់ទឹកក្នុងភ្នែក មិនមែនសំណាងស្អីនោះទេ៕
ឆ្មាភ្នែកពេជ្រកំពុងផ្ទុះលើ TikTok នៅថៃ
@user3026088746242 ฝากน้องด้วยนะครับทุกคน#คนรักน้องแมว