ប្រែសម្រួល : កញ្ញាដាលីស (ដេល្លីម៉េល) ៖ កូនៗរបស់លោកស្រី ណាតយ៉ា ស៊ូឡេម៉ាន់ (Nadya Suleman) បានឈានដល់អាយុ១៤ឆ្នាំហើយ!
នៅក្នុងរូបភាព លោកស្រីណាតយ៉ាបានបង្អួតដោយមោទនភាពនូវកូនពៅទាំងប្រាំបីរបស់លោកស្រីគឺឈ្មោះ ណារីយ៉ា, អ៊ីសាយ៉ា, ម៉ាលីយ៉ា, ជេរ៉េមីយ៉ា, ណូអា, ចូស៊ីយ៉ា, ចូណា និងម៉ាកាយ នៅពេលពួកគេចេញក្រៅផ្ទះដើម្បីអបអរខួបកំណើតកាលពីថ្ងៃពុធទី២៥មករា។
ស្ត្រីមេមាយអាយុ ៤៧ ឆ្នាំ ដែលគេស្គាល់ថា អុកថូម៉ាំ (Octomom)បាននាំកូនៗរបស់ខ្លួនចេញក្រៅសម្រាប់ថ្ងៃដ៏រីករាយនៃការប្រណាំងកូនឡាន Go-kart នៅទីលាន K1 Speedអមដោយអាហារថ្ងៃត្រង់ភីហ្សានៅទីក្រុងអូរេងខោនធី (Orange County) រដ្ឋកាលីហ្វ័រញ៉ា។
ញញឹមជាមួយម្តាយដ៏ល្បីរបស់ពួកគេ ក្មេងៗទាំងនេះត្រូវគេឃើញកាន់ប៉ឺតប៉ោងមាស Mylar ដែលប្រកបថា “BIRTHDAY” នៅពេលពួកគេឈរនៅខាងក្រៅសម្រាប់កាមេរ៉ាខណៈពួកគេស្លៀកពាក់ឈុតធម្មតាៗ។
ម្តាយរូបនេះក៏មានកូនចំនួនប្រាំមួយនាក់ផ្សេងទៀតដែរ ដែលមិនត្រូវបានថតជាប់ទេ ដែលធ្វើឱ្យលោកស្រីក្លាយជាម្តាយកូន ១៤ នាក់៕
កូនភ្លោះទាំង ៨ របស់លោកស្រីណាតយ៉ាអបអរខួបកំណើតគម្រប់ ១៤ ឆ្នាំកាលពីថ្ងៃពុធ