ប្រែសម្រួលៈបំណង(ដេល្លីម៉េល)៖ កងកម្លាំងអ៊ីស្រាអែលបានសម្លាប់ជនប៉ាឡេស្ទីនយ៉ាងហោចណាស់ប្រាំបួននាក់ រួមានស្ត្រីវ័យ៦០ឆ្នាំម្នាក់ និងបាញ់អោយរបួសជាច្រើននាក់ទៀតក្នុងការឆ្មក់ចូលតំបន់មួយនៅក្នុងទឹកដីវេសប៊ែង(West Bank )កាលពីថ្ងៃព្រហស្បតិ៍។
វាជាថ្ងៃដ៏បង្ហូរឈាមបំផុតមួយនៅក្នុងរយៈពេលប៉ុន្មានឆ្នាំមកនេះនៅក្នុងទឹកដីប៉ាឡេស្ទីនដែលអ៊ីស្រាអែលកាន់កាប់នេះ។
ការប្រយុទ្ធគ្នាដោយកាំភ្លើងបានផ្ទុះឡើងនៅពេលយោធាអ៊ីស្រាអែលបានបើកប្រតិបត្តិការទាំងថ្ងៃដ៏កម្រមួយនៅក្នុងជំរំជេនីន(Jenin) ដែលអ៊ីស្រាអែលបាននិយាយថាដើម្បីរារាំងការវាយប្រហារដែលជិតកើតមានមួយលើជនជាតិអ៊ីស្រាអែល។ជំរំដែលជាមូលដ្ឋានរឹងមាំរបស់ក្រុមសកម្មប្រយុទ្ធអ៊ីស្លាមជីហាដប៉ាឡេស្ទីន ជាចំណុចផ្តោតនៃការឆ្មក់ចូលវាយប្រហារពីសំណាក់កងកម្លាំងអ៊ីស្រាអែលអស់ពេលជិតមួយឆ្នាំមកហើយ។
យ៉ាងហោចណាស់អ្នកស្លាប់ម្នាក់ត្រូវគេស្គាល់ថាជាសមាជិកក្រុមសកម្មប្រយុទ្ធជីហាដ ។
ក្រោយពីរាយការណ៍ត្រួសៗអំពីសន្តិសុខ រដ្ឋមន្ត្រីការពារជាតិអ៊ីស្រាអែលបានណែនាំអោយកងកម្លាំងនៅទឹកដីវេសប៊ែងនិងនៅព្រំដែនអ៊ីស្រាអែលមានការប្រុងប្រយ័ត្នខ្ពស់។
សូមបញ្ជាក់ថា ភាពតានតឹងរវាងអ៊ីស្រាអែលនិងប៉ាឡេស្ទីនបានកើនឡើងចាប់តាំងពីអ៊ីស្រាអែលធ្វើការឆ្មក់វាយប្រហារពេលយប់នៅវេសប៊ែងកាលពីរដូវរំហើយមុនក្រោយមានការវាយប្រហារពីប៉ាឡេស្ទីនជាបន្តបន្ទាប់។ការប្រឈមមុខគ្នានេះបានកើនឡើងខ្លាំងនៅខែនេះ នៅពេលរដ្ឋាភិបាលក្រុមស្តាំជ្រុលអ៊ីស្រាអែលចូលកាន់តំណែងនិងសន្យាប្រកាន់ជំហរតឹងតែងជាមួយពួកប៉ាឡេស្ទីន៕
ជនប៉ាឡេស្ទីនប៉ះទង្គិចជាមួយកងកម្លាំងអ៊ីស្រាអែលក្រោយយោធាឆ្មក់ចូលវាយប្រហារនៅទីក្រុងជេនីននៅទឹកដីវេសប៊ែងកាលពីថ្ងៃ២៦មករា។ទាហានអ៊ីស្រាអែលបានសម្លាប់ជនប៉ាឡេស្ទីនយ៉ាងតិច៩នាក់នៅថ្ងៃនេះ