ដោយ: សុវណ្ណកុម្ភ: / ភ្នំពេញ: កាន់តែកៀកហើយ ព្រឹត្តិការណ៍ស៊ីហ្គេមនៅកម្ពុជា នឹងចាប់ផ្ដើម បន្ទាប់ពីកម្ពុជា រង់ចាំយ៉ាងអន្ទះសារ ៦៤ ឆ្នាំ មកនោះ។
ព្រឹត្តិការណ៍កីឡាតំបន់ ដែលធ្វើរៀងរាល់ឆ្នាំសេសនេៈ បានបង្កើតឡើងតាំងពីឆ្នាំ១៩៥៩ មកម្ល៉េះ ដែលកម្ពុជា ក៏ជាស្ថាបនិកមួយ ក្នុងការរួមចំណែកបង្កើត នូវព្រឹត្តិការណ៍នេះដែរ តែដោយសារសង្គ្រាម ទើបកម្ពុជា បាត់បង់ឱកាសធ្វើជាម្ចាស់ផ្ទះ នៃព្រឹត្តិការណ៍មួយនេះ។
ការរាប់ថយក្រោយ ៩៤ ថ្ងៃទៀត វាជាពេលវេលា មិនយូរនោះទេ តែកម្ពុជាបានត្រៀមខ្លួនរួចរាល់អស់ហើយ គឺនៅរង់ចាំតែការមកដល់ នៃពេលវេលាប៉ុណ្ណោះ។
តោះ! យើងរាប់ថយក្រោយបន្តទៀត។ កម្ពុជាត្រៀមខ្លួនធ្វើបដិសណ្ឋារកិច្ច មិនត្រឹមតែភ្ញៀវក្នុងតំបន់ប៉ុណ្ណោះទេ តែសម្រាប់ពិភពលោកទាំងមូល ដែលចង់មកទស្សនាកម្ពុជា៕/V-PC
