ដោយៈ ទេពកង្រី / កំពង់ឆ្នាំង៖ លោក លី សុភា ប្រធានមន្ទីររៀបចំដែនដី នគរូបនីយកម្ម និងសំណង់ខេត្ត និងជានាយកកម្មវិធីវិស័យដីធ្លីខេត្ត តំណាងលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង រួមជាមួយលោក សូត្រ សង់ អភិបាលស្រុកទឹកផុស នៅព្រឹកថ្ងៃទី ៣១ ខែមករា ឆ្នាំ២០២៣ បានប្រជុំផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័យ ការចុះបញ្ជីដីធ្លីមានលក្ខណៈជាប្រព័ន្ធ ស្ថិតនៅក្នុងភូមិត្រពាំងរាំង ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ដល់អ្នកពាក់ព័ន្ធ ជាពិសេសប្រជាពលរដ្ឋ ជាម្ចាស់ក្បាលដី ជាង ១៥០ នាក់ ។
