ភ្នំពេញៈ លោកសៅ វណ្ណសេរីវុធអនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំប្រតិភូមូលនិធិចក្ខុខ្មែរ ទៅ ពិនិត្យ និងព្យាបាលជំងឺភ្នែកឡើងបាយ ភ្នែកកន្ទុយថ្លែនដោយ ឥតគិត ថ្លៃជូនប្រជាពលរដ្ឋ នៅក្នុងបរិវេណសាលាស្រុកទឹកឈូ ខេត្តកំពត កាលពីថ្ងៃទី២ ខែកុម្ភៈ ឆ្នាំ២០២៣។
លោក អុឹម ច័ន្ទសោធន អភិបាលស្រុកទឹកឈូក បានបញ្ជាក់ថា វត្តមាននៃក្រុមការងារមូលនិធិចក្ខុខ្មែរនាថ្ងៃនេះគឺបានតាមរយៈការឧបត្ថម្ភនិងគាំទ្រពីថ្នាក់ដឹកនាំក៏ដូចជាការសម្រួលពីថ្នាក់ដឹកនាំខេត្ត ដែលនៅក្នុងនោះលោកម៉ៅ ធនិន អភិបាលខេត្តកំពត ដែលលោកបានយកចិត្តទុកដាក់និងជួយដោះស្រាយនៅបញ្ហាលំបាករបស់ប្រជាពលរដ្ឋ ជាពិសេលោលបានមើលឃើញថា បញ្ហាភ្នែកនេះជាបញ្ហាមួយ ដែលយើងត្រូវយកចិត្តទុកដាក់មិនថាតែមនុស្សចាស់នោះទេ ។ភ្នែកបច្ចុប្បន្ននេះគឺជាបញ្ហាសម្រាប់មនុស្សទូទៅ។ មានទាំងក្មេងនិងប្អូនៗក្មួយៗដែលអ្នកខ្លះគាត់មានអាយុត្រឹមតែ៥ឆ្នាំ ៦ឆ្នាំ ក៏អាចប្រឈមទៅនឹងជំងឺភ្នែកនេះផងដែរ។
លោកបានបន្តទៀតថា ជាក់ស្ដែងដូចជាក្មួយរបស់លោកអភិបាលផ្ទាល់គាត់មានអាយុ៦ឆ្នាំក៏មានបញ្ហាជំងឺភ្នែកនេះផងដែរ។
ដោយសារមូលហេតុនេះហើយដែលលោកអភិបាលរំលឹកឱ្យប្រជាពលរដ្ឋត្រូវថែរក្សា និងថែទាំព្យាបាលឲ្យទាន់ពេលវេលានៅក្នុងករណីដែលយើងមិនបានមកពិនិត្យ និងព្យាបាលឱ្យទាន់ពេលវេលានោះទេវាអាចនឹងបង្កជាគ្រោះថ្នាក់ ឬក៏អាចឈានរហូតដល់ពិការភ្នែក។
ឆ្លើយតបនឹងបញ្ហានេះលោកសៅ វណ្ណ សេរីវុធ បានដឹកនាំប្រតិភូមូលនិធិចក្ខុខ្មែរដើម្បីចូលមកស្រុកទឹកឈូ ដែលជាស្រុកទីបី បន្ទាប់ពីក្រុងបូកគោមក។សកម្មភាពក៏ធ្វើនៅក្រុងកំពតផងដែរ៕សរន.mara
