ដោយៈ សុក្ខារិន/ពោធិសាត់: សិស្សសាលាវិទ្យាល័យ ហ៊ុន សែន ប្រម៉ោយ ស្ថិត នៅ ភូមិ ប្រម៉ោយ ឃុំប្រម៉ោយ បានបានដួលសន្លប់ជាបន្តបន្ទាប់ ចំនួន ៤៤នាក់ ដោយគេមិនដឹងពីមូលហេតុកាលពីថ្ងៃទី ០៥ ខែ កុម្ភៈ ឆ្នាំ២០២៣ ។
សិស្សវិទ្យាល័យហ៊ុនសែនប្រមោយដែលដួលសន្លប់ទាំងអស់ត្រូវបានលោកគ្រូ អ្នក គ្រូ និងអាណាព្យាបាល .កងកម្លាំងសមត្ថកិច្ចដឹកបញ្ជូនមកមណ្ឌលសុខភាពប្រម៉ោយ ដើម្បីធ្វើការតាមដានអាការ: រោគនិងស្រាវជ្រាវរកមូលហេតុបន្ត ក្នុងនោះ៦នាក់ទៀតត្រូវបញ្ជូនទៅសង្គ្រោះបន្ទាន់មន្ទីរពេទ្យបង្អែកខេត្តពោធិ៍សាត់ផងដែរ។
លោកវីរៈសេនីយ៍ឯក ធាង ឡេង អធិការនគរបាលស្រុកវាលវែងបានឲ្យដឹងនៅវេលាម៉ោង១និង៤១នាទីថ្ងៃទី៦ ខែ កុម្ភៈ នេះថាបើតាមការសន្និដ្ឋានរបស់ក្រុមគ្រូពេទ្យគឺនៅតែថាប្អូនៗសិស្សសាលាវិទ្យាល័យដែលបានដួលសន្លបខាងលើអាចបណ្តាលមកពីការខ្វះអាហាររូបត្ថម្ភដោយសារការហូបមិនបានគ្រប់គ្រាន់ទើបបណ្តាលអោយកើតមានករណីខាងលើនេះ ។
លោកអធិការនគរបាលស្រុកវាលវែងបានអោយដឹងបន្ថែមទៀតថា ពេលនេះខាងលោកដូចជាប្រធានក្រុមការងារចុះស្រុកវាលវែងនិងក្រុមគ្រូពេទ្យកំពុងតែបន្តធ្វើការស្រាវជ្រាវរកមូលហេតុដែលបណ្តាលអោយយុវតីជាសិស្សសាលាដួលសន្លប់បែបនេះ ។
ដោយឡែកតាមអបិយជំនឿក្រុមការងារចុះស្រុកវាលវែងរួម ជាមួយនាយកសាលា លោកគ្រូ អ្នកគ្រូ និងអាណាព្យាបាលសិស្សទាំងអស់នឹងធ្វើពិធីសែនព្រៀនតាមបែបព្រហ្មញ្ញសាសនាដោយមានលេងភ្លេងពិណពាព្យជាថ្មីម្តងទៀតដើម្បីសុំសេចក្តីសុខកុំអោយកើតមានបែបនេះទៀត ដល់ប្អូនៗដែលជាសិស្សសាលាវិទ្យាល័យប្រមោយ។
លោកវីរៈសេនីយ៍ឯក បានឲ្យដឹងបន្ថែមទៀតថាមកដល់ពេលនេះស្ថានភាពរបស់ប្អូនៗទាំងអស់បានចេញពីមណ្ឌលសុខភាពបណ្តើរៗហើយនៅសល់តែ៩នាក់ទេ៕.mara
