ប្រែសម្រួល : កញ្ញាដាលីស (ដេល្លីម៉េល) ៖ ទូរស័ព្ទ iPhoneដើមមួយគ្រឿង ដែលនៅតែស្ថិតក្នុងប្រអប់ ត្រូវគេរំពឹងថានឹងលក់ក្នុងតម្លៃជាង ៥០.០០០ ដុល្លារនៅឯការដេញថ្លៃ។
ទូរស័ព្ទ iPhone ដែលចេញលក់ក្នុងឆ្នាំ ២០០៧ មានអេក្រង់ទំហំ ៣,៥ អ៊ីញ និងកាមេរ៉ាទំហំ ២ មេហ្គាភិចសែល។ ប្រសិនបើវាសម្រេចបាននូវតម្លៃប៉ាន់ស្មាននេះ វានឹងលក់បានខ្ពស់ជាង ៨០ ដងនៃតម្លៃដើម ៥៩៩ ដុល្លារ។
វាត្រូវបានដាក់ដេញថ្លៃដោយម្ចាស់ឈ្មោះ ការ៉ែន ហ្គ្រីន (Karen Green) ជនជាតិអាម៉េរិក ដែលមិត្តភក្តិជូនជាកាដូ។
ដោយសារតែទូរស័ព្ទនេះមិនដំណើរការលើសេវាបណ្តាញ ដែលនាងហ្គ្រីនបានប្រើ នាងក៏ទុកវាចោលនៅលើធ្នើរដោយមិនបានប្រើ។
នាងបានដឹងថានាងកំពុងអង្គុយលើអណ្តូងរ៉ែមាសដ៏មានសក្តានុពលមួយនៅពេលនាងបានដឹងថា iPhone ដើមដែលមិនបានបើកពីប្រអប់ បានលក់ក្នុងតម្លៃ ១០.០០០ ដុល្លារ។
នាងហ្គ្រីននិយាយថា ប្រាក់ចំណូលនៃការដេញថ្លៃនេះនឹងត្រូវប្រើប្រាស់ដើម្បីជួយក្នុងការចំណាយលើការបើកស្ទូឌីយ៉ូចាក់សាក់របស់នាងនៅក្នុងរដ្ឋញូវជើស៊ី។
ការដេញថ្លៃ ដែលដំណើរការដោយក្រុមហ៊ុន LCG Auctions បានចាប់ផ្តើមកាលពីថ្ងៃទី២កុម្ភៈ និងបិទវិញនៅថ្ងៃទី ១៩ ខែកុម្ភៈ៕
ទូរស័ព្ទ iPhone ដែលចេញលក់ក្នុងឆ្នាំ ២០០៧ មានអេក្រង់ទំហំ ៣,៥ អ៊ីញ និងកាមេរ៉ាទំហំ ២ មេហ្គាភិចសែល