ប្រែសម្រួល : កញ្ញាដាលីស (ដេល្លីម៉េល) ៖ ស្ត្រីដែលចោះដែកច្រើនកន្លែងបំផុតក្នុងពិភពលោក បានលាតត្រដាងថា នាងបានចោះដាក់ដែកជាង ៣.៥០០ នៅក្នុងទ្វារមាសរបស់នាង ហើយមានបំណងចោះឱ្យបាន ២០.០០០ ពេញរាងកាយរបស់នាង។
នាង អេលេន ដេវីដសុន (Elaine Davidson) ដែលរស់នៅក្នុងទីក្រុងអេឌីនបឺក (Edinburgh) ដែលគ្របដណ្តប់ពីក្បាលដល់ចុងជើងជាមួយដែកចោះជាង ១៥.០០០ បានចូលរួមជាមួយពិធីការិនី អាលីសុន ហាមម៉ុន (Alison Hammond) និងពិធីករ ដឺម៉ុត អូលីរី (Dermot O’ Leary) នៅក្នុងកម្មវិធី This Morning កាលពីថ្ងៃសុក្រទី១០កុម្ភៈដើម្បីពិភាក្សាអំពីការចោះដែកកាន់តែច្រើន។
ត្បិតដែកចោះមានទម្ងន់សរុប ៣ គីឡូក្រាមក៏ដោយ ក៏នាងទទួលស្គាល់ថានាងចង់ចោះដែកឱ្យបាន ២០.០០០ ដើម្បីរក្សាតំណែងកំណត់ត្រាពិភពលោករបស់នាង។
ស្ត្រីដើមកំណើតប្រេស៊ីលរូបនេះបានពន្យល់ថា នាងក៏មានដែកចោះចំនួន ៣.៥០០ នៅក្នុងទ្វារមាសរបស់នាងផងដែរ ប៉ុន្តែនាងត្រូវទៅសហរដ្ឋអាម៉េរិកដើម្បីសម្រេចបានរឿងនេះ ព្រោះពួកគេមិនធ្វើវានៅចក្រភពអង់គ្លេសទេ។
បន្ទាប់ពីពិធីការិនីអាលីសុនសួរថាតើនាងធ្លាប់ឆ្លងមេរោគដោយសារការចោះដែកក្នុងទ្វារមាសរបស់នាងឬទេ នាងនិយាយថា “ទេ អ្នកត្រូវប្រុងប្រយ័ត្នបំផុត ព្រោះប្រសិនបើអ្នកមិនប្រយ័ត្ន ប្រាកដណាស់វានឹងឆ្លងរោគ”។
“ខ្ញុំប្រើទឹកខ្មេះ ហើយខ្ញុំមានគ្រូពេទ្យដ៏អស្ចារ្យម្នាក់ ដែលនាងពិតជាអស្ចារ្យណាស់ ហើយនាងពិតជាយល់ដឹងបានច្បាស់លាស់”។
នៅពេលសួរថាតើពួកវាធ្លាប់ជ្រុះចេញឬអត់ នាងបានឆ្លើយថា “ទេ ព្រោះវានៅខាងក្នុង ពិតណាស់វានៅខាងក្នុង ដូច្នេះគ្មានផ្លូវទេ ពួកវាមានសុវត្ថិភាពខ្លាំងណាស់”៕
នាងអេលេន ដេវីដសុន ត្រៀមចោះដែកឱ្យបាន២០.០០០ពេញរាងកាយ