ប្រែសម្រួល : កញ្ញាដាលីស (ស្ត្រេតថែមស៍) ៖ ភពទឹកកកតូចមួយនៅឆ្ងាយហួសពីភពណិបទូន មានកងរង្វង់មួយដូចកងរង្វង់ជុំវិញភពសៅរ៍ដែរ។ គួរឱ្យងឿងឆ្ងល់ កងរង្វង់នេះគឺស្ថិតនៅចម្ងាយមួយ ដែលការគណនាទំនាញសាមញ្ញបង្ហាញថាមិនគួរមានទេ។
សាស្ត្រាចារ្យ ព្រូណូ ម័រហ្គាដូ (Bruno Morgado) មកពីសាកលវិទ្យាល័យ Federal University of Rio de Janeiro ក្នុងប្រទេសប្រេស៊ីល បាននិយាយថា “នោះពិតជាចម្លែកណាស់”។
លោកគឺជាអ្នកនិពន្ធឈានមុខនៃឯកសារមួយដែលបានបោះពុម្ពនៅក្នុងទស្សនាវដ្តី Natureក្នុងខែកុម្ភៈ ដែលពណ៌នាអំពីកងរង្វង់ដែលព័ទ្ធជុំវិញភពក្វាវ៉ា (Quaoar) ដែលមានអង្កត់ផ្ចិតប្រហែល ១.១២៦ គីឡូម៉ែត្រ គោចរជុំវិញព្រះអាទិត្យនៅចម្ងាយប្រហែល ៦,៤ ពាន់លានគីឡូម៉ែត្រ។
ភពក្វាវ៉ាគឺតូចជាងពាក់កណ្តាលនៃអង្កត់ផ្ចិតរបស់ភពភ្លុយតូ និងមានទំហំប្រហែលមួយភាគបីនៃអង្កត់ផ្ចិតរបស់ព្រះចន្ទ។
វាទំនងជាមានទំហំធំល្មមដើម្បីមានលក្ខណៈគ្រប់គ្រាន់ជាភពតឿ ដែលទាញដោយទំនាញរបស់វាចូលទៅក្នុងស្វ៊ែរ (Sphere)។ ប៉ុន្តែគ្មាននរណាម្នាក់អាចនិយាយបានច្បាស់អំពីវានោះទេពីព្រោះរូបភាពដែលថតដោយសូម្បីតែកែវយឹតដ៏មានឥទ្ធិពលបំផុតក៏បានបង្ហាញដែរថា ភពក្វាវ៉ាគ្រាន់តែជាសារធាតុក្រាស់ដែលមើលមិនឃើញ។ សារធាតុក្រាស់នេះក៏មានព្រះចន្ទរបស់វាផងដែរ គឺឈ្មោះ វៃវ៉ូត (Weywot)។
ភពក្វាវ៉ាគោចរជុំវិញព្រះអាទិត្យនៅក្នុងក្រវ៉ាត់គុយភើ (Kuiper) ដែលជាតំបន់នៃកម្ទេចកម្ទីត្រជាក់កកស្ថិតនៅហួសពីភពណិបទូន ដែលរួមមានទាំងភពភ្លុយតូផងដែរ។ កងរង្វង់នេះមិនអាចមើលឃើញនៅក្នុងរូបភាពកែវយឹតទេ។ តារាវិទូបានរកឃើញវាដោយប្រយោល នៅពេលដែលផ្កាយឆ្ងាយៗបានកើតឡើងនៅពីក្រោយភពក្វាវ៉ា ហើយបានបាំងពន្លឺរបស់ពួកវា៕
កងរង្វង់ត្រូវបានរកឃើញគោចរជុំវិភពក្វាវ៉ា