ប្រែសម្រួល : កញ្ញាដាលីស (អេស៊ាវ័ន) ៖ តារាចម្រៀងប៉ុប និង R&B លំដាប់កំពូល នាងរីហាណាបានត្រឡប់មកឆាកតន្ត្រីវិញកាលពីថ្ងៃអាទិត្យ ទី១២ កុម្ភៈ ដោយបណ្តែតខ្លួនខ្ពស់ពីលើទីលាន Super Bowl ជាហេតុធ្វើឱ្យមហាជនរំភើបចិត្តជាមួយនឹងការជ្រើសរើសបទល្បីៗរបស់នាង និងការលាតត្រដាងថានាងមានផ្ទៃពោះកូនទីពីរ។
ស្លៀកពាក់ឈុតរ៉ូបពណ៌ផ្កាឈូកនិងអាវក្រៅប៉ោងៗ នាងរីហាណាបានបើកកម្មវិធីតន្ត្រីដ៏ធំបំផុតដោយច្រៀងបទ Bitch Better Have My Money ខណៈនាងឈរនៅលើវេទិកាដែលព្យួរលើអាកាស ជាមួយក្បាលពោះធំមើលឃើញច្បាស់ក្រឡែត។
នាងត្រូវបានទម្លាក់ចុះបន្តិចម្តងៗ ខណៈនាងបានច្រៀងបទល្បីៗចាប់ពី Only Girl (In the World) រហូតដល់បទ Rude Boy និងបទ Work។
នាងរីហាណាត្រូវបានហ៊ុមព័ទ្ធជុំវិញ១៣នាទីដោយអ្នករាំរាប់សិបនាក់ក្នុងឈុតប៉ោងៗពណ៌ស។
វាជាការសម្តែងលើឆាកលើកដំបូងរបស់ម្ចាស់ជ័យលាភីពានរង្វាន់ Grammy អាយុ ៣៤ ឆ្នាំរូបនេះក្នុងរយៈពេលប្រាំឆ្នាំ។ អាល់ប៊ុមចុងក្រោយរបស់នាងគឺ Anti ត្រូវបានចេញផ្សាយក្នុងឆ្នាំ ២០១៦៕
SHE’S BAAAACK 👑 @Rihanna #AppleMusicHalftime pic.twitter.com/rH2G9r2RSc
— NFL (@NFL) February 13, 2023
នាងរីហាណាសម្តែងក្នុងអំឡុងការប្រកួត Super Bowl