ប្រែសម្រួលៈបំណង(បាងកក)៖គូស្នេហ៍ខ្ទើយ មនុស្សកែភេទនិងស្រីស្រឡាញ់ស្រីដូចគ្នាប្រមាណ១៣០គូដែលគេស្គាល់ថាក្រុមមនុស្សLGBTQ+បាននាំគ្នាចុះឈ្មោះរៀបការនៅទិវានៃក្តីស្រឡាញ់១៤កុម្ភៈនៅទីក្រុងបាងកកនិងអាយុទ្យារបស់ថៃ។
នៅក្រុងបាងកក ការិយាល័យសង្កាត់តុសិត(Dusit)និងសកលវិទ្យាល័យសួន ស៊ូណានដា រ៉ាចាបាត(Suan Sunandha Rajabhat)បានរៀបចំធ្វើពិធីនេះជាមួយនឹងការរៀបចំលម្អយ៉ាងពិសេស។
គូស្នេហ៍LGBTQ+មួយដែលបានរស់នៅជាមួយគ្នាអស់ប្រាំបីឆ្នាំ បាននិយាយថាពួកគេសមនឹងទទួលបានសិទ្ធិដូចគូស្នេហ៍ភេទផ្ទុយគ្នាដែរ។គូរស្នេហ៍ខ្ទើយមួយទៀតបាននិយាយថាពួកគេចង់អោយអាពាហ៍ពិពាហ៍របស់គេមានការចុះបញ្ជីស្របច្បាប់ និងអំពាវនាវអោយរដ្ឋគាំទ្រពង្រាងច្បាប់សមភាពជេនឌ័រដែលលើកទឹកចិត្តអោយប្រជាជនហ៊ានបញ្ចេញកាន់តែច្រើនអំពីសមភាពផ្លូវភេទ។
យុទ្ធនាការចុះឈ្មោះអាពាហ៍ពិពាហ៍ក្រុមមនុស្សខ្ទើយនេះមិនត្រូវបានទទួលស្គាល់ដោយច្បាប់រដ្ឋទេតែលើកទឹកចិត្តគូស្នេហ៍LGBTQ+អំពីការគាំទ្រផ្លូវច្បាប់ និងក៏ជំរុញវិស័យទេសចរណ៍តាមរយៈអោយអ្នកចូលរួមភ្លក់បង្អែមថៃនិងទទួលវ្ថុអនុស្សាវរីយ៍ ។ក្រុមអ្នករៀបចំរំពឹងថានឹងប្រើវាជាឈ្នាន់មួយសំរាប់ជំរុញការអនុម័តពង្រាងច្បាប់ស្តីពីការទទួលស្គាល់ភេទ(ជេនឌ័រ)៕
គូស្នេហ៍LGBTQ+១២៨គូបាននាំគ្នាទៅចុះឈ្មោះតាមការិយាល័យសង្កាត់ក្នុងក្រុងបាងកកនិងអាយុទ្យា ក្នុងយុទ្ធនាការសមភាពជេនឌ័រ