ដោយៈ សុវណ្ណកុម្ភៈ/ភ្នំពេញៈ ដោយមានការផ្ទៀងផ្ទាត់ពីសហព័ន្ធកីឡាបាល់ទាត់អាស៊ី (AFC) គណ:កម្មាធិការជាតិរៀបចំស៊ីហ្គេមលើកទី៣២(Camsoc) បានកំណត់ចំពោះការប្រកួតកីឡាបាល់ទាត់បុស គឺកំណត់កូតាបាល់ទាត់បុរសអាយុក្រោម២២ឆ្នាំ។ គ្រប់ក្រុមដែលចូលរួមទាំងអស់ត្រូវមានកីឡាករអាយុត្រឹម២២ឆ្នាំឬ ក្រោម២២ឆ្នាំ (កើតចំ ឬក្រោយថ្ងៃទី១ មករា ២០២១) ទើបអាចមានសិទ្ធចូលរួមប្រកួត។ជាមួយគ្នានេះគោលការណ៍អនុញ្ញាតឲ្យកីឡាករអាយុលើស២២ឆ្នាំ ចូលលេងគឺមិនមានឡើយ។
បទប្បញ្ញត្តិដំបូងនៃអាយុក្រោម២២ឆ្នាំសម្រាប់ប្រភេទបាល់ទាត់បុរសត្រូវបានអនុវត្តន៍ដំបូងនាស៊ីហ្គេមឆ្នាំ២០២១។ តែនៅឆ្នាំ២០១៧ប្រទេសក្នុងតំបន់អាស៊ានបានឯកភាពគ្នាលើការសម្រេចចិត្តសម្រួលមកនៅត្រឹមអាយុក្រោម២២ឆ្នាំ។ នាឆ្នាំ២០១៩ ស៊ីហ្គេមនៅប្រទេសហ្វីលីពីនត្រូវបានកំណត់អាយុ២២+២ដែលមានន័យថាក្នុងក្រុមនីមួយៗអាចបន្ថែមកីឡាករលើសអាយុ២២ឆ្នាំចំនួន២រូបចូលលេងបាន។ ស៊ីហ្គេមលើកទី៣១ នៅវៀតណាមត្រូវបានអនុម័តបាល់ទាត់បុរសឝឺ U-23+3 គឺអាចបន្ថែមកីឡាលើសអាយុបានចំនួន៣រូប។ការបង្កើនចំនួន៣នាក់ជំនួស២នាក់គឺស្របតាមការអនុវត្តន៍ក្នុងព្រឹត្តិការណ៍កីឡាអូឡាំពិក។ សម្រាប់ព្រឹត្តិការណ៍ស៊ីហ្គេមលើកទី៣២ដែលចាប់ផ្ដើមពីថ្ងៃទី៥ ដល់១៧ ឧសភា ២០២៣នោះត្រូវបានដាក់ឲ្យប្រកួតចំនួន៣៧ប្រភេទកីឡា (កីឡាសម្ដែងមួយប្រភេទ) សម្រាប់បាល់ទាត់ដែលនឹងប្រកួតមុនពិធីបើកស៊ីហ្គេមនោះគឺចាប់ផ្ដើមនៅថ្ងៃទី២៩ មេសា៕/R
