ដោយៈ សុវណ្ណកុម្ភៈ/ភ្នំពេញៈ ម្ចាស់មេដាយប្រាក់តេក្វាន់ដូ WT (World Taekwondo) នាស៊ីហ្គេមលើកទី៣១ នៅប្រទេសវៀតណាម បានប្រកាសថាស៊ីហ្គេមលើកទី៣២ លើទឹកដីកំណើតគេនឹងផ្លាស់ប្ដូរពីមេដាយប្រាក់ទៅមេដាយមាសឲ្យទាល់តែបានដើម្ពបង្កើតប្រវត្តិសាស្ត្រថ្មីសម្រាប់រូបគេ។
ស៊ីហ្គេមលើកទី៣១នៅវៀតណាម សំ យូដេត លេងវិញ្ញាសាប្រយុទ្ធទម្ងន់៥៨គីឡូក្រាម ដែលការប្រកួតដំបូងរបស់គេឈ្នះទីម័រខាងកើតក្នុងពិន្ទុ២២ទល់៩ឈ្នះកីឡាករឡាវ Phouvilay Yommlath នាវគ្គពាក់កណ្ដាលផ្ដាច់ព្រ័ត្រក្នុងពិន្ទុ៥០ ទល់២៣ តែនៅវគ្គផ្ដាច់ព្រ័ត្រចាញ់កីឡាករថៃ Thanakrit Yodrak ក្នុងពិន្ទុ៥ទល់៣៤។ការមិនបានទទួលមេដាយមាសនេះ រូបគេមិនសោកស្ដាយឡើយព្រោះគេប្រឹងប្រែងអស់លទ្ធភាពហើយតែពេលនេះឝេកំពុងតែកែលម្អនូវអ្វីដែលចន្លោះប្រហោងដើម្បីបំពេញវាឲ្យបានល្អដើម្បីស៊ីហ្គេមលើកទី៣២ខាងមុខនេះ។
គេទទួលស្គាល់ថាការមិនសូវមានការប្រកួតជាលក្ខណៈអន្តរជាតិយើងលំបាកស្ទង់ពីសមត្ថភាពយើងណាស់ យូដេត ជាប់ជម្រើសជាតិនាឆ្នាំ២០១៨។ គេធ្លាប់ចូលរួមក្នុងព្រឹត្តិការណ៍ ASEAN Taekwondo Championship 2019 ដោយទទួលបានមេដាយសំរិទ្ធ និងចូលរួមក្នុងព្រឹត្តិការណ៍ World Police and Fire Games ដោយទទួលបានមេដាយសំរិទ្ធដែរ។ កីឡាកររូបនេះបង្ហាញខ្លួនក្នុងការប្រកួតជាលក្ខណ:អន្តរជាតិដំបូនាស៊ីហ្គេមឆ្នាំ២០១៩នៅប្រទេសហ្វីលីពីនតែមិនបានមេដាយឡើយ៕/R
