ប្រែសម្រួលៈបំណង(ស្ត្រេតថែមស៍)៖ កងទ័ពអាកាសអាម៉េរិកបានប្រើកាំជ្រួចមួយគ្រាប់ថ្លៃ៤២៩.០០០ដុល្លារ ដើម្បីបាឡុងចិនព្រមទាំងទម្លាក់វត្ថុហោះមិនស្គាល់អត្តសញ្ញាណមួយ ដែលអាចជាបាឡុងតំលៃ១២ដុល្លារ ដែលគេបង្ហោះដើម្បីជាការកម្សាន្តសប្បាយ?។
ក្រុមបង្ហោះបាឡុងគ្រាន់ជាការសប្បាយមួយនៅអាម៉េរិក ត្រូវបានសារព័ត៌មានThe Guardianស្រង់សម្តីដែលថា បាឡុងមិនបង្កគ្រោះថ្នាក់របស់ខ្លួនមួយបានបាត់ពេលកំពុងហោះនៅលើរដ្ឋអាឡាស្កាកាលពីថ្ងៃ១១កុម្ភៈ ចំថ្ងៃដែលយន្តហោះF-22របស់អាម៉េរិកបាញ់ទម្លាក់វត្ថុហោះមិនស្គាល់អត្តសញ្ញាណមួយនៅលើដែនដីកាណាដាមួយជាប់អាឡាស្កា។
បាឡុងតូចនេះបំពាក់ឧបករណ៍សំរាប់វាស់សីតុណ្ហភាព សំណើម សម្ពាធខ្យល់និងចរន្តខ្យល់។
ទោះជាក្រុមនេះមិនភ្ជាប់ការបាត់បាឡុងរបស់ខ្លួនទៅនឹងការបាញ់ទម្លាក់នេះក៏ផ្លូវហោះរបស់វាបង្ហាញថាអាចមានជាប់ពាក់ព័ន្ធ។គេហទំព័រររបស់ក្រុមនេះបាននិយាយថាបាឡុងK9YOត្រូវបានគេរាយការណ៍ថាឃើញហោះចុងក្រោយនៅកំពស់១១.៥៦០ម៉ែត្រក្បែរកោះមួយក្នុងរដ្ឋអាឡាស្កា។
ដោយសារតែបំណែកវត្ថុហោះមិនស្គាល់អត្តសញ្ញាណដែលយន្តហោះអាម៉េរិកបាញ់ទម្លាក់នោះមិនត្រូវបានគេប្រមូលបាន ក្រុមបង្ហោះបាឡុងនេះក៏មិនអាចបញ្ជាក់ថាវត្ថុដែលត្រូវបាញ់ទម្លាក់នោះជាបាឡុងរបស់ខ្លួនឬអត់។
ពួកមន្ត្រីក្រសួងការពារជាតិអាម៉េរិក បាននិយាយថាវត្ថុហោះមិនស្គាល់អត្តសញ្ញាណដែលខ្លួនបានបាញ់ទម្លាក់មិនបង្កការគំរាមផ្នែកយោធាទេ តែផ្លូវហោះរបស់វាអាចបង្កបញ្ហាដល់ទីតាំងសំខាន់ៗ រីឯកំពស់របស់ពួកថាអាចបង្កគ្រោះថ្នាក់ដល់អាកាសចរណ៍ស៊ីវិល។ពួកគេថែមទាំងបាននិយាយថា វត្ថុហោះទាំងនោះអាចប្រើក្នុងគោលបំណងពាណិជ្ជកម្មនិងសិក្សាស្រាវជ្រាវអាកាសធាតុ៕
ការបាញ់ទម្លាក់វត្ថុហោះមិនស្គាល់អត្តសញ្ញាណយ៉ាងតិចចំនួនបី ធ្វើឡើងក្រោយយន្តហោះF-22របស់អាម៉េរិកបាញ់ទម្លាក់បាឡុងពណ៌សរបស់ចិនមួយទំហំប៉ុនរថយន្តក្រុងនៅរដ្ឋសោតខារ៉ូឡាយណា ដោយចោទប្រកាន់ថាវាជាយានឈ្លបយកការណ៍