ដោយៈតារារិទ្ធ(ភ្នំពេញ)៖នៅព្រឹកថ្ងៃទី ២០ ខែកុម្ភៈឆ្នាំ២០២៣នេះសម្តេចអគ្គមហាសេ នាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញជាអធិ បតីក្នុងពិធីប្រគល់វិញ្ញាបនបត្រនិងសញ្ញា បត្រជូនដល់សិស្សថ្នាក់វិជ្ជាជីវៈនិងនិស្សិត សាកលវិទ្យាលយធនធានមនុស្សសរុបប្រ មាណសរុបចំនួន១,៩៤៦នាក់ក្នុងនោះនារី ១,០៣៣ នាក់ដែលបានបញ្ចប់ការសិក្សាក្នុងឆ្នាំសិក្សា២០១៩-២០២០និងឆ្នាំសិក្សា ២០២០-២០២១។ពិធីនេះធ្វើឡើងនៅមជ្ឈ មណ្ឌលសន្និសីទនិងពិពណ៌ពាណិជ្ជកមក្ មអន្តរជាតិជ្រោយចង្វារាជធានីភ្នំពេញ ។
លោកសាស្រ្តាចារ្យបណ្ឌិត ឯក មនោសែន សាកលវិទ្យាធិការនៃសាកលវិទ្យាល័យធនធានមនុស្សបានគូសបញ្ជាក់ថាឆ្លងកាត់បទពិសោធ២៤ឆ្នាំកន្លងមកសាកលវិទ្យាល័យបានអភិវឌ្ឍន៍ខ្លួនពីអង្គការវិទ្យាស្ថានអភិវឌ្ឍន៍ធនធានមនុស្សដែលបង្កើតឡើងក្នុងឆ្នាំ១៩៩៨និងសម្រេចបានសមិទ្ធផលយ៉ាងធំធេងជាបន្តបន្ទាប់គួរជាទីមោទនៈ។
ក្នុងឆ្នាំ២០២៣នេះសាកលវិទ្យាល័យបាននិងកំពុងបំពាក់ធនធានសិក្សាសម្ភាររូបវ័ន្តបន្ថែមទៀតជាពិសេសបន្ទប់អនុវត្តន៍សណ្ឋា គារនិងសាលសាវនការនិមិត្ត។បច្ចុប្បន្នសា កលវិទ្យាល័យមានក្រុមប្រឹក្សាភិបាលគណៈគ្រប់គ្រងបុគ្គលិកនិងសាស្ត្រាចារ្យចំនួន ៣៩៨នាក់នារី ១១៩នាក់,សិស្សថ្នាក់វិជ្ជាជីវៈនិងនិស្សិតកំពុងសិក្សាចំនួន ៣,១០១ នាក់នារី ១.៦៣៥នាក់។
ចំពោះលទ្ធផលនៃការបណ្ដុះបណ្ដាលគិតចាប់ពីឆ្នាំសិក្សា១៩៩៨-១៩៩៩មកដល់ឆ្នាំសិក្សា២០២០-២០២១កន្លងមកនេះសិស្សថ្នាក់វិជ្ជាជីវៈនិងនិស្សិតគ្រប់កម្រិតដែលបានបញ្ចប់ការសិក្សាសរុបចំនួន៤១,៣៤១នាក់ (នារី១៤,៣៦៩នាក់)៕
