ដោយៈតារារិទ្ធ/ភ្នំពេញៈ សម្ដេចអគ្គម ហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបាន អំពាវនាវឲ្យប្រជាពលរដ្ឋនៅទីក្រុងភ្នំពេ ញ និងទីក្រុងនានាដែលត្រូវរៀបចំប្រកួតស៊ីហ្គេមខិតខំធ្វើអនាម័យឲ្យបានល្អ ដើម្បីមុខមាត់ប្រទេសជាតិ។
សម្តេចអំពាវនាវបែបនេះនៅក្នុងពិធីប្រគល់វិញ្ញាបនបត្រសញ្ញាបត្រដល់និស្សិតនៃសាកលវិទ្យាល័យធនធានម នុស្សនាព្រឹកថ្ងៃទី២០ ខែកុម្ភៈ ឆ្នាំ២០២៣។
សម្តេចមានប្រសាសន៍ថានៅសល់តែ ៧៤ ថ្ងៃទៀតប៉ុណ្ណោះដែលកម្ពុជាធ្វើជាម្ចាស់ផ្ទះរៀបចំកីឡាស៊ីហ្គេម ។ យើងបានរងចាំអស់ ៦៤ឆ្នាំមកហើយ ។
សម្តេចបានឲ្យដឹងថា ក្នុងឱកាសបំពេញទស្សនកិច្ចនៅប្រទេសឡាវសម្តេចបាន អញ្ជើញប្រធានាធិបតីឡាវមកចូល រួមបើកស៊ីហ្គេមនៅកម្ពុជា ។ ហើយប្រ ធានាធិបតីឡាវបានសន្យាមកចូលរួមនិងបំពេញទស្សនកិច្ចនៅកម្ពុជាតែម្តង។ សម្តេចបានឲ្យដឹងទៀតថាថ្មីៗនេះទៅកាន់ប្រទេសវៀតណាមសម្តេចក៏បានអញ្ជើញប្រធានាធិបតីវៀតណាមមកចូលរួមផងដែរ ។
សម្តេចបន្តថាសម្រាប់យើងគឺវាជាកម្ម វិធីដែលយើងរង់ចាំបរយៈពេល៦៤ ឆ្នាំ រាជរដ្ឋាភិបាល និងចំណាយថវិការហូត ដល់ ១២០ លានដុល្លារអាមេរិកសម្រា ប់ការរៀបចំកីឡាស៊ីហ្គេមនេះ ។
សម្តេចបន្តថាយើងត្រូវធ្វើឱ្យល្អ, រឿងទទួលបានមេដាយជារឿងមួយហើយ ប៉ុន្តែរឿងធំគឺយើងជាម្ចាស់ផ្ទះត្រូវគ្រប់គ្រងសភាពការណ៍ឲ្យបានល្អ ។ ក្នុងនោះអំពាវនាវចំពោះប្រជាពលរដ្ឋនៅទីក្រុងភ្នំពេញរបស់យើងនិងទីក្រុងនានាដែលត្រូវរៀបគុណភាពអនាម័យឲ្យបានល្អ។ ខ្ញុំគិតថាមិនគ្រាន់តែបណ្ដាទីក្រុងនៃការប្រកួតនោះទេ។ ក៏ប៉ុន្តែទូទាំងប្រទេសគួរតែត្រូវធ្វើអនាម័យបរិ ស្ថានឲ្យបានល្អព្រោះពេលវេលានោះជាពេលវេលាមកដល់មិនត្រឹមតែអ្នកកីឡាទេ ហើយអ្នកគាំទ្រនោះគេក៏ អាចទៅដើរកំសាន្តក្រៅពីកន្លែងប្រកួតបានដែរ។ ដូចនេះត្រូវរៀបចំខ្លួនទទួលភ្ញៀវឲ្យបានល្អ ៕/R
