ប្រែសម្រួល : កញ្ញាដាលីស (ដេល្លីម៉េល) ៖ ព្រិលបានធ្លាក់យ៉ាងគំហុកនៅភាគខាងត្បូងរដ្ឋកាលីហ្វ័រញ៉ាកាលពីថ្ងៃសុក្រទី២៤កុម្ភៈខណៈខ្យល់ព្យុះធ្ងន់ធ្ងរទីមួយមិនធ្លាប់មានក្នុងមួយជំនាន់បានវាយលុកលើតំបន់ភ្នំជុំវិញទីក្រុងឡូសអ៊ែនជេឡេស ជាមួយភ្លៀងធ្លាក់ខ្លាំងកំពុងគំរាមបង្កជំនន់នៅកន្លែងផ្សេងទៀត។
អ្នកធ្វើបទបង្ហាញអាកាសធាតុតាមទូរទស្សន៍ ដែលស៊ាំនឹងការព្យាករណ៍ដូចគ្នារាល់ថ្ងៃអំពីពន្លឺព្រះអាទិត្យក្តៅហែង បានឃើញខ្លួនឯងលិចជ្រៅហួសជង្គង់នៅក្នុងព្រិលខណៈតំបន់នេះបានជួបជាមួយព្យុះរដូវរងាដ៏អាក្រក់បំផុតមិនធ្លាប់មានជាច្រើនទសវត្សរ៍។
ផ្លូវសំខាន់ៗត្រូវបានបិទ ខណៈទឹកកកនិងព្រិលបានធ្វើឱ្យយានយន្តមិនអាចឆ្លងកាត់បាន រួមទាំងផ្នែកនៃផ្លូវ Interstate 5 ដែលជាផ្លូវហាយវេខាងជើង-ខាងត្បូងដ៏សំខាន់ តភ្ជាប់ម៉ិកស៊ិក រដ្ឋកាលីហ្វ័រញ៉ា តំបន់ប៉ាស៊ីហ្វិកពាយព្យ និងកាណាដា។
អាជ្ញាធរបាននិយាយថាមិនមានការប៉ាន់ស្មានទេថាតើពេលណាផ្លូវនឹងបើកឡើងវិញ។
សេវាអាកាសធាតុជាតិ (NWS) បាននិយាយថា “ផលប៉ះពាល់ដែលទាក់ទងនឹងព្រិលដ៏គ្រោះថ្នាក់និងដែលអាចគំរាមកំហែងដល់អាយុជីវិត ទំនងជាមានសម្រាប់បណ្តាផ្លូវតាមតំបន់ភ្នំ វាលខ្សាច់ និងជើងភ្នំនៅភាគខាងត្បូងរដ្ឋកាលីហ្វ័រញ៉ា”៕
ព្យុះព្រិលវាយប្រហារខ្លាំងតាមបណ្តោយផ្លូវនៅតាមជើងភ្នំនៅភាគខាងត្បូងរដ្ឋកាលីហ្វ័រញ៉ា
បណ្តាហាងប្រើម៉ាស៊ីនភ្លើងដើម្បីដំណើរការដោយសារដាច់ភ្លើងចំពេលមានព្យុះភ្លើង
មនុស្សអត់ផ្ទះសម្បែងរាប់ពាន់នាក់រស់នៅតាមដងផ្លូវនៅអាម៉េរិកកំពុងជួបការលំបាកខ្លាំងចំពេលមានព្យុះទឹកកកនិងភ្លៀង