ភ្នំពេញ៖“មិនមែនឃើញគ្រូបរទេសចេញចូលបង្រៀនសុទ្ធតែជាសាលាអន្តរជាតិទាំងអស់នោះទេ!”នេះជាការលើកឡើងរបស់ឧកញ៉ា ប៉ិច បូឡែន អគ្គនាយកបណ្តាញគ្រឹះអប់រំ វេសឡាញ អេឌ្យូខេសិន គ្រុប ក្នុងពិធីប្រារព្វខួប៥ឆ្នាំនៃសាលាអន្តរជាតិហ្វររ៉េសហៀល (Forest Hill international School) នៅព្រឹកថ្ងៃទី២៤ កុម្ភៈ។
ឧកញ៉ា ប៉ិច បូឡែន បានបន្តថា “ជាការពិតណាស់តម្លៃសិក្សានៅសាលាអន្តរជាតិមានតម្លៃខ្ពស់ជាងសាលាជាតិ ដូចនេះសូមអ្នកអាណាព្យាបាល និងឪពុកម្តាយគួរជ្រើសរើសរកសាលាអន្តរជាតិឲ្យបានត្រឹមត្រូវពិតប្រាកដ ត្រូវពិនិត្យឱ្យបានដិតដល់ពីប្រវត្តិសាលាកម្មវិធីសិក្សាមានការទទួលស្គាល់ពីស្ថាប័នអប់រំនៅក្រៅប្រទេសឬទេ គ្រូបង្រៀនមានគរុកោសល្យត្រឹមត្រូវឬទេ និងថ្នាក់ដឹកនាំសាលាមានបទពិសោធន៍ផ្នែកអប់រំនិងគ្រប់គ្រងកម្រិតណា?”។
ឧកញ៉ា ប៉ិច បូឡែន បានបញ្ជាក់ថា “សាលាអន្តរជាតិហ្វររ៉េសហៀលគឺជាសាលាស្តង់ដារ អន្តរជាតិពិតប្រាកដ ដោយសារសាលាបានបញ្ជូលកម្មវិធីអន្តរជាតិដូចជាMontessori,IEYC,IPC,Cambridgeដែលទទួលស្គាល់១៦០ប្រទេសទូទាំងពិភពលោក។សាលាផ្តល់ជូនការសិក្សា៣ភាសាគឺភាសាខ្មែរ អង់គ្លេស និងចិន ព្រមទាំងបានបន្ថែមកម្មវិធី Leader in Me នាំមកពីសហរដ្ឋអាមេរិក កម្មវិធីបណ្តុះបណ្តាលផ្នែកហិរញ្ញវត្ថុ (Money Tree) ហើយមានគន្លងសិក្សា (Pathway) ច្បាស់លាស់សម្រាប់អនាគតសិស្ស។ លើសពីនេះ សាលាបានបញ្ចូលកម្មវិធីតន្ត្រី សិល្បៈ កីឡាដូចជាហែលទឹក តៃក្វាន់ដូ បាល់ទាត់ និងកម្មវិធីដទៃទៀត ដើម្បីជាជំនួយដល់ការ លូតលាស់ទាំងផ្នែកស្មារតី និងរាយកាយដល់ពួកគាត់ថែមទៀតផង”។
ឧកញ៉ាបានរំលឹកថា“ទន្ទឹមនឹងនេះសាលាក៏មិនភ្លេចការពង្រឹងការសិក្សាភាសាជាតិនោះដែរព្រោះជាភាសាអត្តសញ្ញាណជាតិរបស់យើងដែលកូនខ្មែរម្នាក់ៗត្រូវចេះអាននិងចេះសរសេរឱ្យបានស្ទាត់ជំនាញ”៕PH
