ប្រែសម្រួល : កញ្ញាដាលីស (ស្ត្រេតថែមស៍) ៖ វ៉ាក់សាំងមហារីកផលិតដោយក្រុមហ៊ុនModerna ត្រូវបានផ្តល់ឱ្យនូវស្ថានភាព “ការព្យាបាលបែបរកឃើញថ្មី” ដោយប្រមុខសុខាភិបាលអាម៉េរិក ដែលនេះនឹងត្រួសត្រាយផ្លូវសម្រាប់ការយល់ព្រមយ៉ាងឆាប់រហ័ស។
វ៉ាក់សាំង ដែលចាក់អមជាមួយនឹងថ្នាំគ្រាប់សម្រាប់ទប់ប្រព័ន្ធភាពស៊ាំផលិតដោយក្រុមហ៊ុនMerck ត្រូវបានប្រើដើម្បីព្យាបាលអ្នកជំងឺ ដែលបានជាសះស្បើយពីជំងឺមហារីកស្បែកកម្រិតខ្ពស់ ដែលមានហានិភ័យដុះដុំសាច់មកវិញ។
ការសាកល្បងព្យាបាលដំណាក់កាលទីពីរបានបង្ហាញថាការរួមផ្សំគ្នានេះបានកាត់បន្ថយឱកាសនៃការរើបជំងឺឡើងវិញឬមរណភាពចំពោះអ្នកជំងឺ ក្រោយពេលវះកាត់បាន៤៤ភាគរយបើធៀបនឹងការលេបថ្នាំប្រព័ន្ធភាពស៊ាំតែឯង។
លទ្ធផលជារំពឹងនេះបានជំរុញឱ្យរដ្ឋបាលចំណីអាហារនិងឱសថ (FDA) ចេញផ្សាយនូវប្លង់មេមួយកាលពីព្រហស្បតិ៍ ដែលអាចកាត់បន្ថយពេលវេលាត្រូវការសម្រាប់ផ្តល់ការអនុម័តដល់ទៅ ៨ ខែ។
ជនជាតិអាម៉េរិកជាងមួយលាននាក់កំពុងរស់នៅជាមួយជំងឺមហារីកស្បែក ដែលជាទម្រង់មហារីកស្បែកធ្ងន់ធ្ងរបំផុតមួយ ដែលក្នុងនោះ ៤ ភាគរយបានវិវត្តដល់ដំណាក់កាលធ្ងន់ធ្ងរបំផុត៕
វ៉ាក់សាំងថ្មីរបស់ Moderna កំពុងផ្តល់ក្តីសង្ឃឹមដល់អ្នកជំងឺមហារីក