ប្រែសម្រួល : កញ្ញាដាលីស (ដេល្លីម៉េល) ៖ តារាលំដាប់ៗនៅក្នុងហូលីវូដបានស្លៀកឈុតទាក់ទាញបំផុតរបស់ពួកគេសម្រាប់កម្មវិធីប្រគល់ពានរង្វាន់ Screen Actors Guild Awards លើកទី ២៩ ដែលធ្វើឡើងនៅអគារ Fairmont Century Plaza ក្នុងទីក្រុងឡូសអាន់ជើឡេស រដ្ឋកាលីហ្វ័រញ៉ា កាលពីថ្ងៃអាទិត្យ ទី២៦កុម្ភៈ។
នាងហ្សេនដាយ៉ា (Zendaya) វ័យ ២៦ ឆ្នាំបានចាប់ផ្ដើមការដើរលើកម្រាលព្រំក្រហមក្នុងស្ទីលដ៏អស្ចារ្យ ដោយមកដល់ក្នុងឈុតរ៉ូបពណ៌ផ្កាឈូកគ្មានខ្សែ ដែលមានក្បាច់ផ្កាផុសតុបតែងលើសំពត់រ៉ូប។
តារាស្រីរូបនេះបានបង្ហាញរាងស្លីមរបស់នាងក្នុងឈុតរ៉ូប Valentino ដែលគ្របដណ្តប់ដោយផ្កាកុលាបធ្វើពីក្រណាត់ចំនួន ១៩០ ក្នុងពណ៌ដូចគ្នា។
ចំណែកនាង ជេសស៊ីកា ឆាស្ទេន (Jessica Chastain) បង្ហាញខ្លួនក្នុងរ៉ូប Zuhair Murad ពណ៌ផ្កាឈូកចាស់ អមជាមួយសក់រលើបរលោងនិងបបូរមាត់ពណ៌ក្រហមឆ្អៅ ដោយជួយបំពេញនូវឈុតរាងផ្កាភ្លើងរបស់នាង។
នាង អែនជេឡា បាសសេត (Angela Bassett) បានស្លៀកពាក់រ៉ូប Giambattista Valli ពណ៌លឿងដិត ជាមួយសក់រួញអង្កាញ់ៗ ខណៈនាង អូប្រេ ប្លាហ្សា (Aubrey Plaza) បង្អួតក្បាលពោះរបស់នាងក្នុងឈុតពណ៌សូកូឡា ដែលកាត់ដោយអ្នកច្នៃម៉ូតឈ្មោះ មីសែល កូស (Michael Kors)៕
(រាប់ពីឆ្វេង) នាងហ្សេនដាយ៉ា នាង ជេសស៊ីកា ឆាស្ទេន នាង អែនជេឡា បាសសេត និង នាង អូប្រេ ប្លាហ្សា ស្លៀកពាក់ឈុតទាក់ទាញចូលរួមក្នុងកម្មវិធីប្រគល់ពានរង្វាន់ Screen Actors Guild Awards លើកទី ២៩ កាលពីថ្ងៃអាទិត្យ
