ប្រែសម្រួល : កញ្ញាដាលីស (អេស៊ាវ័ន) ៖ នាងម៉ាដូណាតាមសេចក្តីរាយការណ៍គឺមានទំនាក់ទំនងស្នេហាជាមួយអ្នកប្រដាល់វ័យ ២៩ ឆ្នាំម្នាក់ បន្ទាប់ពីបែកគ្នាពីមិត្តប្រុសជាតារាបង្ហាញម៉ូតឈ្មោះ អេនឌ្រូ ដានែល (Andrew Darnell)។
រាជនីចម្រៀងប៉ុបអាយុ ៦៤ ឆ្នាំរូបនេះបានកំពុងទាក់ទងជាមួយអ្នកប្រដាល់ ចូស ប៉ុបភើ (Josh Popper)ដែលបានបង្ហាត់បង្រៀនកូនម្នាក់របស់នាងនៅឯកន្លែងហាត់ប្រាណ Bredwinners ក្នុងទីក្រុងញូវយ៉កអស់ជាច្រើនសប្តាហ៍។
ប្រភពមួយបានប្រាប់វេបសាយ DailyMail.com កាលពីថ្ងៃពុធ ទី ១ ខែមីនាថា អ្នកទាំងពីរបាន “ជួបគ្នាបែបស្នេហាទៅវិញទៅមក”។
ម៉ាដូណា ដែលកំពុងកាន់ទុក្ខចំពោះការស្លាប់បងប្រុសនាង ឈ្មោះ អានថូនី ស៊ីកខូណេ (Anthony Ciccone)បន្ទាប់ពីគាត់បានលាចាកលោកកាលពីថ្ងៃអាទិត្យនៅអាយុ ៦៦ ឆ្នាំត្រូវគេឃើញឱបកៀកកើយជាមួយចូសនៅក្នុងរូបភាពជាច្រើនដែលបានបង្ហោះនៅលើ Instagram របស់នាងកាលពីដើមខែនេះ ដែលបង្ហាញនាងផ្អឹបបបូរមាត់របស់នាងទៅនឹងស្មារបស់គាត់និងច្របាច់ដៃដែលមានសាច់ដុំធំៗរបស់គាត់។
ចូសបានបង្ហោះរូបថតមួយសន្លឹកនៅលើគណនីរបស់គាត់ ហើយរួមបញ្ចូលរូបថតទីពីរបង្ហាញដៃរបស់គាត់ដាក់លើស្មាម៉ាដូណា នៅពេលពួកគេថតរូបនៅសង្វៀនប្រដាល់។
អ្នកប្រដាល់រូបនេះបានលក់ធានារ៉ាប់រងអាយុជីវិត មុនពេលជំងឺរាតត្បាតកូវីដ១៩បានជំរុញឱ្យគាត់បើកកន្លែងហាត់ប្រាណ Bredwinners Gym នៅសង្កាត់ផ្លាធីរ៉ុន (Flatiron) នៃតំបន់ម៉ាហាថែន (Manhattan) ក្រុងញូវយ៉កកាលពីជិតបីឆ្នាំមុន ជាកន្លែងដែលគាត់បានបង្រៀនកូនម្នាក់ក្នុងចំណោមកូនប្រាំមួយនាក់របស់ម៉ាដូណាឱ្យចេះប្រយុទ្ធ។
រូបគេក៏បានបង្ហាញខ្លួននៅក្នុងរដូវកាលចុងក្រោយនៃរឿងភាគ Summer House របស់ប៉ុស្តិ៍ Bravo ផងដែរ ដែលនិយាយអំពីក្រុមមិត្តវ័យក្មេងចំនួន ៩ នាក់រស់នៅក្នុងផ្ទះរដូវក្តៅមួយនៅម៉ុនធួក (Montauk) ក្នុងតំបន់អ៊ីសហាមតុន (East Hampton)៕
ម៉ាដូណាថតរូបជាមួយចូស ប៉ុបភើនៅសង្វៀនប្រដាល់