ប្រែសម្រួល : កញ្ញាដាលីស (ស្ពុតនិក) ៖ លោក ឌីមីទ្រី មេតវេដេវ (Dimnry Medvedev)អនុប្រធានក្រុមប្រឹក្សាសន្តិសុខជាតិរុស្ស៊ី បាននិយាយកាលពីថ្ងៃព្រហស្បតិ៍ទី២មីនាថាការបញ្ជូនយន្តហោះរបស់ណាតូទៅកាន់អ៊ុយក្រែននិងការថែទាំយន្តហោះលើទឹកដីរបស់សម្ពន្ធភាពយោធានេះ នឹងក្លាយជាការចូលពាក់ព័ន្ធរបស់ណាតូដោយផ្ទាល់ក្នុងសង្គ្រាមនេះប្រឆាំងនឹងរុស្ស៊ី។
លោកមេតវេដេវបានរំលឹកថា ចាប់តាំងពីទសវត្សរ៍ឆ្នាំ ១៩២០ មានការយល់ដឹងថា ប្រទេសមួយអាចត្រូវបានទទួលស្គាល់ថាជាអ្នកចូលរួមក្នុងអរិភាព ប្រសិនបើក្រៅពីការផ្គត់ផ្គង់អាវុធ ពួកគេបានជួយបណ្តុះបណ្តាលបុគ្គលិកឱ្យចេះប្រើអាវុធទាំងនោះទៀត។
លោកមេតវេដេវបាននិយាយនៅលើ Telegramថា “នេះជារបៀបដែលរឿងនោះកំពុងកើតឡើងសព្វថ្ងៃ។ អ្នកឧទ្ទេស(គ្រូ)កាណាដានិងអាល្លឺម៉ង់នៅសហភាពអឺរ៉ុបកំពុងបង្រៀនឃាតករអ៊ុយក្រែនរួចហើយពីរបៀបប្រើរថក្រោះ Leopard”។
“ប្រសិនបើយើងស្រមៃថាយន្តហោះរបស់ណាតូដឹកមកពេលអនាគតនឹងត្រូវប្រើដោយយោធារបស់ពួកគេនៅលើទឹកដីនៃប្រទេសប៉ូឡូញ (ជាលទ្ធភាពតែមួយគត់ដោយផ្អែកលើស្ថានភាពឧស្សាហកម្មការពារជាតិនៅតំបន់ម៉ាឡូរ៉ូសសៀ-Malorossia) នេះនឹងក្លាយជាការចូលដោយផ្ទាល់របស់ណាតូក្នុងសង្គ្រាមប្រឆាំងនឹងរុស្ស៊ីជាមួយនឹងផលវិបាកដែលនឹងមកជាមួយជាបន្តបន្ទាប់”។
លោកបានបន្ថែមថា “មនុស្សទាំងអស់ ដែលធ្វើការសម្រេចចិត្តលើការផ្គត់ផ្គង់ (ការជួសជុល) នៃឧបករណ៍ឬអាវុធបែបនេះរួមជាមួយទាហានបរទេសស៊ីឈ្នួលនិងអ្នកឧទ្ទេសយោធា នឹងក្លាយជាគោលដៅរបស់យោធាដោយស្របច្បាប់”៕
ការបញ្ជូនយន្តហោះចម្បាំងរបស់ណាតូដល់អ៊ុយក្រែននឹងក្លាយជាការធ្វើសង្គ្រាមរបស់ណាតូប្រឆាំងនឹងរុស្ស៊ី