ប្រែសម្រួល : កញ្ញាដាលីស (ដេល្លីម៉េល) ៖ បេក្ខជនបេក្ខនារីជាច្រើនកំពុងបង្អួតស្ទីលចម្លែកៗរបស់ពួកគេសម្រាប់ការប្រឡងបង្កកសក់នៅប្រទេសកាណាដា ដែលធ្វើឡើងនៅក្រោមសីតុណ្ហភាពត្រជាក់ដក ២០ អង្សាសេ។
ការប្រកួតប្រជែងប្រចាំឆ្នាំនេះត្រូវបានធ្វើឡើងនៅតំបន់ទឹកពុះអ៊ីឃ្លីបន័រឌីក (Eclipse Nordic Hot Springs) នៅខេត្តយូកុន (Yukon) ហើយបើករហូតដល់ថ្ងៃទី ២៥ ខែមីនា។
អ្នកចូលរួមនាំគ្នាលោតចូលក្នុងទឹកពុះ ដែលពីមុនគេស្គាល់ថា ទឹកពុះតាឃីនី (Takhini Hot Springs) ដែលមានសីតុណ្ហភាព ៤២ អង្សាសេមុនពេលញីសក់របស់ពួកគេឱ្យចេញជារូបរាងឆ្នៃប្រឌិតផ្សេងៗ។
ការប្រកួតនេះបើកឱ្យចូលរួមរៀងរាល់ថ្ងៃ នៅពេលណាដែលអាកាសធាតុឈានដល់ដក ២០ អង្សាសេ។
ការប្រកួតមាន ៦ ប្រភេទពាន គឺ ស្ត្រីឆ្នើម បុរសឆ្នើម ក្រុមឆ្នើម សក់ឆ្នើម ការច្នៃប្រឌិតឆ្នើម និងពានជម្រើសប្រជាជន។
ជ័យលាភីនៃប្រភេទពាននីមួយៗនឹងទទួលបានរង្វាន់ជាសាច់ប្រាក់ភ្លាមៗចំនួន ២.០០០ ដុល្លារ។
អ្នកនាំពាក្យសម្រាប់កន្លែងទឹកក្តៅខាងលើ បាននិយាយថា “ចំណុចសំខាន់នៃការប្រកួតគឺលក្ខខណ្ឌអាកាសធាតុអំណោយផល”។
“សីតុណ្ហភាពដក ២០ អង្សាសេគឺចាំបាច់។ ដូច្នេះថ្ងៃខ្លះមិនត្រជាក់គ្រប់គ្រាន់ដើម្បីសម្រេចបាននូវល្បិចច្នៃសក់នោះទេ”។
“ដោយសារសីតុណ្ហភាពនៃប្រភពទឹកក្តៅ ៤០ អង្សាសេ ទើបអ្នកចូលរួមមានសុវត្ថិភាពនិងមានភាពកក់ក្តៅ”៕
អ្នកឈ្នះក្នុងប្រភេទពាននីមួយៗនឹងទទួលបានសាច់ប្រាក់សុទ្ធ ២.០០០ ដុល្លារភ្លាមៗ