ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ខាត
កិរិយាសព្ទ
ថយពីចំនួនដើម, មិនពេញ, មិនចំណេញ
ជួញខាត, រកស៊ីធ្វើការខាត, ខាតចុង ខាតដើម។ ព. ផ្ទ. ចំណេញ ។
កិរិយាវិសេសន៍
ថយពីចំនួនដើម, មិនពេញ, មិនចំណេញ
ជួញខាត, រកស៊ីធ្វើការខាត, ខាតចុង ខាតដើម។ ព. ផ្ទ. ចំណេញ ។
គម្ដែង
(គំម្ដែង ជើង ដ ឬ គំ-មៈ ដែង)
នាមសព្ទ
(ក្លាយឃ្លាតមកពីពាក្យខ្មែរ ក្នុងសម័យបុរាណព្រេងនាយថា ក្រម្រតាង > ក្រម្រតេង > ក្រម្រតែង ) មានន័យថា ព្រះតេជព្រះគុណ; លោកជាអម្ចាស់។ លុះចំណេរកាលត ៗ មក ខ្មែរយើងប្រើពាក្យនេះ សំដៅសេចក្ដីថា លោកអ្នកមានបុណ្យច្រើនគួរជាទីគោរព គួរធ្វើសក្ការបូជា; លោកអ្នកមានស័ក្តិយសខ្ពង់ខ្ពស់ ។ គម្ដែងក្រឡា ស្វាមី, ប្ដី ។ គម្ដែងផ្ទៃក្រោមព្រះរាជា, ក្សត្រិយ៍ទ្រង់រាជ្យ (មើលក្នុងពាក្យ ផ្ទៃ ទៀតផង) ។ គម្ដែងសង្ឃ ព្រះភិក្ខុសង្ឃជាទីគោរព : បពិត្រព្រះគម្ដែងសង្ឃ . . . ។
ឆ្នោត
នាមសព្ទ
កំណត់សរសេរនឹងស្លាក ។ សំបុត្រប្លុងឥតឈ្មោះអ្នកសរសេរ ។ ស្លាក, សំបុត្រប្រាប់លាភដែលត្រូវបានដោយចាប់ផ្សងបុណ្យព្រេង, ផ្សងសំណាង ។
ឆ្ពិន
នាមសព្ទ
ឈ្មោះត្រីស្រកាមួយប្រភេទ សន្ដានត្រីគជ្រា ។
សកវាទី
(សៈកៈវា–)
នាមសព្ទ
(បា.; សំ. ស្វកវាទិន៑) អ្នកពោលពាក្យខាងចំណែកខ្លួនឯង គឺអ្នកចោទសួរ, អ្នកដណ្ដឹង; បើស្ត្រីជា សកវាទិនី; ជាគូគ្នានឹង បរវាទី ,បរវាទិនី អ្នកពោលពាក្យខាងចំណែកអ្នកដទៃ គឺអ្នកឆ្លើយដោះ, អ្នកដោះស្រាយ; អ្នកឆ្លើយទាស់ ។