ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
កាត់កាល់
កិរិយាសព្ទ
បោះបង់លែងរាប់អានតទៅ
អាពុកកាត់កាល់កូនប្រុសស្រីដែលមិនតាមដំបូន្មាន; បើទុកជាម៉ែកាត់កាល់ខ្ញុំៗ ក៏មិនចោលម៉ែ ពីព្រោះម៉ែមានគុណនឹងខ្ញុំធ្ងន់ណាស់ ។
ង៉ាញ់ៗ
ឧទានសព្ទ
សូរឮដោយឆ្កែគ្រហឹមញេញធ្មេញ ដើម្បីការខ្លួន ឬ ការមិនឲ្យឆ្កែឯទៀត ដណ្ដើមអាហារចំណីដែលខ្លួនវាបានមក ។
ឃ្លៀច
គុណសព្ទ
មានសម្បុរសស្រគាំដូចឆ្នាំងដីថ្មី
ក្របីឃ្លៀច ( និយាយបានតែក្របី ) ។
ដំរីដែលមានសម្បុរស្រដៀងនឹងឆ្នាំងដីថ្មី ខ្មែរបុរាណហៅ ដំរីឃ្លៀច ដែរ, លុះចំណេរកាលតមក ខ្មែរហៅ ដំរីស ។
រម្ងាប់
កិរិយាសព្ទ
ធ្វើឲ្យរងាប់, ឲ្យស្ងប់, ឲ្យបាត់ស្ងាត់, ឲ្យវិនាស
រម្ងាប់រោគ, រំងាប់ចង្រៃ, រំងាប់ពាក្យចម្រូងចម្រាស់ ។
រំងាប់
កិរិយាសព្ទ
( ម. ព. រម្ងាប់ ) ។