ប្រែសម្រួល : កញ្ញាដាលីស (បាល់ទាត់) ៖ ក្រុមយក្សអាល្លឺម៉ង់ Bayern Munich នឹងបើកទ្វារផ្ទះស្វាគមន៍ PSG ទាំងមានសង្ឃឹមខ្ពស់ ក្រោយបាននាំមុខមុន ១-០ នៅទឹកដីបារាំង ខណៈ Tottenham ក៏រំពឹងផ្តួល AC Milan ឡើងវគ្គបន្តផងដែរ ក្នុង UCL វគ្គ ១៦ ក្រុមចុងក្រោយជើងទី២នៅថ្ងៃពុធនេះ។
ការព្យាករណ៍ ៖
– Bayern Munich vs PSG
* PSG ចាញ់ ៥ ដងក្នុងចំណោមការជួបគ្នា ៧ ដងចុងក្រោយជាមួយនឹងក្រុម Bayern ក្នុងក្របខណ្ឌ Champions League។
* ក្រុមបារាំងបានស៊ុតបាល់បញ្ចូលទីនិងចាញ់ក្នុងការប្រកួតក្រៅដី២លើកក្នុងចំណោម៣លើកចុងក្រោយ។
* Bayern ឈ្នះ ១៥ ប្រកួតក្នុងផ្ទះក្នុងចំណោម ១៧ លើកចុងក្រោយក្នុង UCL។
* Mbappe ស៊ុតចូលក្នុង៩ប្រកួតនៃ ១១ ប្រកួតចុងក្រោយក្នុង UCL។
ដោយ Neymar របួសរហូតដល់ចប់រដូវកាល ក្តីសង្ឃឹមរបស់ PSG ក្នុងការបញ្ចប់ការរង់ចាំរបស់ពួកគេសម្រាប់ពានរង្វាន់ Champions League ហាក់ត្រូវរលាយជាថ្មីម្តងទៀតមុនពេលពួកគេទៅលេងនៅទឹកដី Munich ។ Bayern នាំមុខ ១-០ នៅជើងទីមួយ ដូច្នេះក្រុម PSG ដែលខ្សោយជាងមុន អាចយកឈ្នះលើលទ្ធផលនេះបានឬអត់?
ក្រុមភ្ញៀវលេងឡើងចុះក្នុងឆ្នាំ ២០២៣ ប៉ុន្តែការឈ្នះ៣ប្រកួតជាប់គ្នាចុងក្រោយរបស់ពួកគេនឹងបង្កើនក្តីសង្ឃឹមសម្រាប់ឱកាសរបស់ពួកគេនៅក្នុងទ្វីបអឺរ៉ុប។ ទោះយ៉ាងណា ពួកគេត្រូវជួបក្រុម Bayern ដែលមើលទៅលេងល្អហួស បន្ទាប់ពីសម្រាក World Cup។ ក្រុមម្ចាស់ផ្ទះកំពុងត្រៀមចូលដល់វគ្គជ្រៅៗក្នុងក្របខណ្ឌ Champions League ខណៈកំណត់ត្រារបស់ពួកគេទល់នឹងក្រុម Paris ចង្អុលបង្ហាញថាពួកគេមានភាគរយខ្ពស់ក្នុងការកក់កៅអីវគ្គ ១/៤ ផ្តាច់ព្រ័ត្រ។
បន្ទាប់ពីឈ្នះ ៤ ដងនៃការប្រកួត Champions League ៥ លើកដំបូងរបស់ពួកគេជាមួយ Bayern Munich (ចាញ់១) PSG បានឈ្នះតែ ២ ដងប៉ុណ្ណោះក្នុងចំណោម ៧ លើកចុងក្រោយរបស់ពួកគេ ដោយចាញ់ Bayern ៥ ដងក្នុងចំណោមនោះ។ ក្រុមយក្សអាល្លឺម៉ង់បានឈ្នះ ១-០ ក្នុងការជួបគ្នា៣ដងនៃជំនួប៤លើកចុងក្រោយរបស់ពួកគេជាមួយនឹងក្រុម PSG ប៉ុន្តែការប្រកួតនៅថ្ងៃពុធនេះគួរតែមានគ្រាប់បាល់ច្រើន។
Bayern បានឈ្នះ ១៥ ប្រកួតនៃ Champions League ក្នុងផ្ទះ ១៧ លើកចុងក្រោយរបស់ពួកគេ ខណៈពួកគេបានស៊ុតបញ្ចូលទី ៣០ គ្រាប់ក្នុង ៨ ប្រកួតចុងក្រោយ។ ក្រុមយក្សអាល្លឺម៉ង់បានឈ្នះការប្រកួតទាំង៧លើកក្នុង UCL រដូវកាលនេះ ខណៈពួកគេត្រូវជួបក្រុម PSG ដែលចាញ់ក្រុម Monaco ៣-១ និង ២-១ ក្រោមស្នាដៃក្រុម Marseille នៅការប្រកួតក្រៅដី៣លើកចុងក្រោយ។
ក្រុមភ្ញៀវតែងតែមានប្រយុទ្ធមុតស្រួច ទោះបីជា Neymar អវត្តមានក៏ដោយ។ ការប្រកួតជើងទី១ គឺជាលើកទីមួយដែលក្រុមជើងឯកបារាំងខកខានក្នុងការស៊ុតបញ្ចូលទីក្នុង ១៥ លើកចុងក្រោយក្នុងក្របខណ្ឌ Champions League ខណៈពួកគេស៊ុតបញ្ចូលទី ១០ ប្រកួតក្នុងចំណោម ១១ លើកមុននៅក្នុងការប្រកួតទាំងអស់។
Kylian Mbappe ធ្លាប់ស៊ុតបញ្ចូលទីក្នុងការប្រកួតក្រៅដី Champions League ទាំងពីរប្រកួតជាមួយក្រុម Bayern Munich ខណៈរូបគេស៊ុតចូល ៥ គ្រាប់ក្នុង ៣ ប្រកួតចាប់តាំងពីចាញ់ក្រុម Bayern ក្នុងផ្ទះ។ រូបគេបានស៊ុតបាល់បញ្ចូលទីក្នុង ៩ ប្រកួតនៃ ១១ ប្រកួតចុងក្រោយក្នុងក្របខណ្ឌ Champions League ដូច្នេះរំពឹងថានឹងមានគ្រាប់បាល់ច្រើនក្នុងការប្រកួតនេះ។
លទ្ធផលទស្សនទាយ Bayern ឈ្នះ ៤-២។
– Tottenham Hotspur vs AC Milan
* Milan ចាញ់៣លើកពីការប្រកួតក្រៅដី៤លើកចុងក្រោយ។
* Milan ចាញ់ ១៣ ដងនៃការប្រកួតក្រៅដី ២១ លើករបស់ពួកគេទៅកាន់ទឹកដីអង់គ្លេសនៅពានអឺរ៉ុប។
* ក្រុមភ្ញៀវចាញ់ក្រៅដី៣លើកចុងក្រោយទៅកាន់ទីក្រុងឡុងដ៍ រួមទាំងការចាញ់ Chelsea ៣-០ កាលពីខែតុលា។
* Tottenham បានឈ្នះ ៤ ដងក្នុងចំណោម ៥ ដងចុងក្រោយរបស់ពួកគេនៅក្នុងទឹកដីខ្លួនឯងក្នុងលទ្ធផលទល់នឹងសូន្យ។
Tottenham មានការងារត្រូវធ្វើនៅអឺរ៉ុបក្នុងសប្តាហ៍នេះ ក្រោយចាញ់ AC Milan ១-០ ក្នុងជើងទី១នៃ Champions League។ ការចាញ់នោះគឺជាផ្នែកមួយនៃការចាញ់៤ប្រកួតជាប់ៗគ្នានៅក្រៅទឹកដីសម្រាប់ក្រុមរបស់លោក Antonio Conte ដូច្នេះការវិលត្រឡប់របស់ពួកគេទៅកាន់កីឡដ្ឋាន Tottenham Hotspur គឺជាការជំរុញដែលត្រូវការយ៉ាងខ្លាំង។
ពួកគេក៏ត្រៀមស្វាគមន៍អ្នកចាត់ការទូទៅរបស់ពួកគេត្រឡប់មកវិញផងដែរ ក្រោយបាត់វត្តមានគាត់នៅក្នុងទីលានចាប់តាំងពីបរាជ័យក្រោមស្នាដៃក្រុម AC Milan។ លោក Conte បានឈ្នះ៥ដងក្នុងចំណោមការប្រកួតក្នុងផ្ទះ ៦ លើកចុងក្រោយទល់នឹងក្រុម AC Milan ក្នុងការប្រកួតទាំងអស់ ហើយគាត់នឹងសម្លឹងរកជ័យជម្នះទី៦ ខណៈគាត់ព្យាយាមកែលម្អកំណត់ត្រាមិនល្អរបស់គាត់នៅក្នុងទ្វីបអឺរ៉ុប។
AC Milan បានចាញ់ ២-១ នៅលើទឹកដី Fiorentina កាលពីចុងសប្តាហ៍ ហើយដូចឃើញជាក់ស្តែង ពួកគេកំពុងធ្វើដំណើរទៅលេង Europa League នៅរដូវកាលក្រោយ។ ម្ចាស់ជើងឯកអ៊ីតាលីកំពុងអស់ខ្យល់ក្នុង Serie A ហើយពួកគេឈរនៅចំណាត់ថ្នាក់ទី ៥ ក្នុងក្របខណ្ឌ Serie A បន្ទាប់ពីចាប់ផ្តើមឆ្នាំថ្មី ២០២៣។
ដូច Spurs ដែរ Milan ក៏កំពុងឆ្លងកាត់បញ្ហាលេងអន់ក្រៅដីផងដែរ។ ពួកគេមិនដែលឈ្នះក្នុងការប្រកួតក្រៅដី ៥ លើកចុងក្រោយ ហើយពួកគេបានចាញ់៣លើកក្នុងការធ្វើដំណើរក្រៅដី ៤ លើកចុងក្រោយ។ ក្នុងស្រុក ពួកគេត្រូវបានផ្តួល៤ដងនៅក្រៅទឹកដី រួមទាំងបរាជ័យចំនួន ៣ ដងក្នុង៤ប្រកួតនៅទឹកដីរបស់ក្រុមពាក់កណ្តាលឡើងលើ។
ស្របពេល Milan មានប្រវត្តិអន់ក្រៅដីជាមួយក្រុមអង់គ្លេស Spurs គួរតែទាញយកឱកាសឈ្នះនៅថ្ងៃនេះ។
លទ្ធផលទស្សនទាយ Tottenham ឈ្នះ ២-១៕
Bayern រំពឹងផ្តួល PSG ដែលអវត្តមាន Neymar